گوا بورڈ امتحانات 2027 کا شیڈول جاری، دسویں اور بارہویں کی تاریخیں سامنے آ گئیں

گوا بورڈ آف سیکنڈری اینڈ ہائر سیکنڈری ایجوکیشن (GBSHSE) نے سال 2027 میں منعقد ہونے والے دسویں (SSC) اور بارہویں (HSSC) جماعت کے بورڈ امتحانات کا عارضی شیڈول باضابطہ طور پر جاری کر دیا ہے۔ بورڈ کی جانب سے یہ شیڈول طلباء کی سہولت اور امتحانات کی پیشگی تیاری کے لیے جاری کیا گیا ہے تاکہ وہ تعلیمی سال کے دوران اپنے وقت کو بہتر انداز میں منظم کر سکیں۔ دستیاب اطلاعات کے مطابق، بارہویں جماعت (ایچ ایس ایس سی) کے سالانہ امتحانات کا آغاز فروری 2027 سے متوقع ہے جبکہ دسویں جماعت (ایس ایس سی) کے امتحانات کا آغاز 15 مارچ 2027 سے کیا جائے گا۔ گوا بورڈ نے تمام متعلقہ اسکولوں، والدین اور طلباء کو ہدایت کی ہے کہ وہ اس عارضی شیڈول کو مدنظر رکھتے ہوئے اپنی تیاریوں کو حتمی شکل دیں۔ امید کی جا رہی ہے کہ بورڈ کی جانب سے جلد ہی مضامین کے لحاظ سے تفصیلی ڈیٹ شیڈول بھی جاری کر دیا جائے گا، جس میں تمام پرچوں کی تاریخیں اور اوقات درج ہوں گے۔ طلباء کو مشورہ دیا جاتا ہے کہ وہ کسی بھی قسم کی تازہ ترین اپ ڈیٹ یا تبدیلی کے لیے گوا بورڈ کی آفیشل ویب سائٹ کا باقاعدگی سے وزت کرتے رہیں تاکہ وہ بروقت معلومات سے باخبر رہ سکیں۔