جاپان زلزلہ 13 افراد ہلاک وزیر اعظم کا بیان

جاپان کے جنوبی جزیرے کیوشو میں ایک طاقتور زلزلے نے تباہی مچا دی ہے جس کے نتیجے میں ابتدائی اطلاعات کے مطابق کم از کم 13 افراد لقمہ اجل بن چکے ہیں۔ عالمی میڈیا رپورٹس کے مطابق زلزلے کی شدت ریکٹر سکیل پر 7.1 ریکارڈ کی گئی ہے جس سے بڑے پیمانے پر مالی اور جانی نقصان کا خدشہ ظاہر کیا جا رہا ہے۔ جاپانی وزیر اعظم نے صورتحال کی سنگینی کا اعتراف کرتے ہوئے تصدیق کی ہے کہ زلزلے کے جھٹکوں کے باعث مختلف حادثات میں تیرہ افراد کی موت واقع ہو چکی ہے۔ زلزلے کے بعد سے اب تک تقریباً 30 افراد کے لاپتہ ہونے کی اطلاعات موصول ہو چکی ہیں۔ مختلف علاقوں میں عمارتیں گرنے اور شاپنگ مالز کو نقصان پہنچنے کے واقعات سامنے آئے ہیں۔ ایک بڑے شاپنگ مال کے ڈھیر ہونے اور دھماکے کی اطلاعات بھی ہیں جہاں امدادی کارکنوں کو شدید مشکلات کا سامنا ہے۔ مقامی انتظامیہ نے فوری طور پر ایمرجنگی نافذ کر دی ہے اور متاثرہ زونز میں ریسکیو ٹیموں کو روانہ کر دیا گیا ہے تاکہ ملبے تلے دبے افراد کو نکالا جا سکے۔ حکام کا کہنا ہے کہ زلزلے کے بعد آفٹر شاکس کا سلسلہ جاری ہے جو امدادی کارروائیوں میں سب سے بڑی رکاوٹ بنے ہوئے ہیں۔ متاثرہ علاقوں کے اسپتالوں میں ایمرجنگی نافذ کر دی گئی ہے اور زخمیوں کو طبی امداد فراہم کی جا رہی ہے۔ وزیراعظم اور متعلقہ اداروں کی جانب سے متاثرہ خاندانوں سے اظہارِ تعزیت کیا گیا ہے اور یقین دلایا گیا ہے کہ حکومت اس مشکل وقت میں تنہا نہیں چھوڑے گی اور تمام ممکنہ وسائل بروئے کار لائے جائیں گے۔ بین الاقوامی برادری نے بھی جاپان میں آنے والے اس زلزلے پر گہرے دکھ کا اظہار کیا ہے۔ ماہرین ارضیات کے مطابق جاپان پہلے ہی زلزلہ خیز پٹی پر واقع ہے اس لیے وہاں اس قسم کے ہنگامی حالات سے نمٹنے کے لیے پہلے سے نظام موجود ہوتا ہے، تاہم حالیہ زلزلے کی شدت اور نقصانات نے بڑے پیمانے پر تباہی مچائی ہے جس کا مکمل تخمینہ آنے والے دنوں میں ہی لگایا جا سکے گا۔