حافظ نعیم کا حکومت پر تنقید، پیٹرولیم لیوی میں اضافے پر تشویش

امیر جماعت اسلامی پاکستان حافظ نعیم الرحمن نے حالیہ حکومتی اقدامات پر شدید ردعمل کا اظہار کرتے ہوئے کہا ہے کہ حکومت کی جانب سے پیٹرولیم مصنوعات کی قیمتوں میں اضافے کے ساتھ ساتھ پٹرولیم لیوی میں بھی اضافہ کر دیا گیا ہے۔ ان کا کہنا تھا کہ اس طرح کے فیصلوں سے پہلے ہی مہنگائی کے بوجھ تلے دبے عوام کی مشکلات میں مزید اضافہ ہو رہا ہے اور عام آدمی کا جینا محال ہوتا جا رہا ہے۔ انہوں نے حکومت پر زور دیا کہ وہ عوام دشمن پالیسیوں سے گریز کرے اور معاشی بحران کا بوجھ غریب عوام پر ڈالنے کے بجائے اشرافیہ اور حکمران طبقے پر ڈالے۔حافظ نعیم الرحمن نے مزید کہا کہ ملک میں مہنگائی کی شرح بلند ترین سطح پر پہنچ چکی ہے اور یوٹیلیٹی بلز اور اشیائے خوردونخوا کی قیمتیں عوام کی پہنچ سے باہر ہو چکی ہیں۔ اس صورتحال میں پیٹرول کی قیمتوں اور لیوی میں بار بار اضافہ عوام کے ساتھ سراسر ناانصافی ہے۔ انہوں نے مطالبہ کیا کہ پیٹرولیم مصنوعات پر عائد اضافی ٹیکسوں اور لیوی کو فی الفور واپس لیا جائے تاکہ عوام کو کچھ ریلیف مل سکے۔جماعت اسلامی کے امیر نے اس عزم کا اعادہ کیا کہ ان کی جماعت عوام کے حقوق کے لیے آواز اٹھاتی رہے گی اور حکومتی ناانصافیوں کے خلاف ملک گیر سطح پر احتجاجی تحریک چلائی جائے گی۔ انہوں نے تمام سیاسی و جمہوری قوتوں کو بھی دعوت دی کہ وہ مہنگائی کے خلاف متحد ہوں اور عام آدمی کی ریلیف کے لیے مشترکہ لائحہ عمل تیار کریں۔ سیاسی تجزیہ کاروں کے مطابق حافظ نعیم الرحمن کا یہ بیان ایک ایسے وقت میں سامنے آیا ہے جب عوام پہلے ہی معاشی دباؤ کا شکار ہیں اور حکومت کے اس اقدام سے سیاسی ماحول میں مزید گرما گرمی پیدا ہونے کا امکان ہے۔