ایپل آئی فون 18 کی لانچنگ دو مراحل میں ہوگی، نئی رپورٹ سامنے آ گئی

ٹیکنالوجی کی دنیا کی معروف ترین کمپنی ایپل انکارپوریشن نے مبینہ طور پر اپنے آئندہ آئی فون 18 ماڈلز کی روایتی لانچنگ حکمت عملی کو تبدیل کرنے کا فیصلہ کر لیا ہے۔ ذرائع کے مطابق کمپنی نے اس بار پروڈکٹ کی ریلیز کو دو الگ الگ مراحل میں تقسیم کرنے کا منصوبہ بنایا ہے تاکہ مارکیٹ کے رجحانات اور سپلائی چین کو بہتر انداز میں منظم کیا جا سکے۔ اس نئی حکمت عملی کے تحت، اب تمام آئی فون 18 ماڈلز ہمیشہ کی طرح ایک ہی وقت میں ستمبر کے مہینے میں ریلیز نہیں کیے جائیں گے۔ رپورٹس کے مطابق، اس نئی تقسیم کی وجہ سے معیار، مینوفیکچرنگ کے مراحل اور مارکیٹ کی طلب و رسد میں توازن قائم رکھنا ہے۔ ایپل کی طرف سے عام طور پر ہر سال ستمبر میں نئی آئی فون سیریز متعارف کروائی جاتی ہے جس میں بیس ماڈلز سے لے کر پرو اور پرو میکس ویرینٹس تک سب شامل ہوتے ہیں۔ تاہم، آئی فون 18 کے معاملے میں یہ روایت ٹوٹتی ہوئی نظر آ رہی ہے اور کمپنی کچھ ماڈلز کو اگلے سال کے لیے ملتوی کرنے یا پہلے متعارف کرانے پر غور کر رہی ہے۔ صارفین اور ٹیک تجزیہ کار اس تبدیلی کو ایپل کی جانب سے ایک بڑا قدم قرار دے رہے ہیں۔ اس نئے لائحہ عمل سے نہ صرف ایپل کو پروڈکشن کے دباؤ سے نمٹنے میں مدد ملے گی بلکہ صارفین کو بھی سال کے مختلف حصوں میں نئی ڈیوائسز خریدنے کے مواقع ملیں گے۔ تاہم، ایپل کی طرف سے اس حوالے سے حتمی تاریخوں اور باضابطہ تفصیلات کا اعلان آنے والے مہینوں میں متوقع ہے، جس سے یہ واضح ہوگا کہ کون سا ماڈل کس مرحلے میں پیش کیا جائے گا۔