فلپس پرسنل ہیلتھ انڈیا کی آمدنی ایک ہزار کروڑ تک پہنچنے کا امکان

نئی دہلی: فلپس پرسنل ہیلتھ انڈیا کے کنٹری ہیڈ سمیٹ شکلا نے ایک بیان میں انکشاف کیا ہے کہ ہندوستان دنیا بھر میں فلپس کے لیے سب سے تیزی سے ترقی کرنے والا ملک بن گیا ہے۔ کمپنی کی مقامی مارکیٹ کی شرح نمو سے دگنی رفتار سے ترقی جاری ہے اور وہ تمام اہم کیٹیگریز میں اپنا مارکیٹ شیئر مسلسل بڑھا رہی ہے۔ اسی تسلسل کو برقرار رکھتے ہوئے، فلپس پرسنل ہیلتھ انڈیا کی آمدنی کے مالی سال 2027 تک ایک ہزار کروڑ روپے سے تجاوز کرنے کی قوی توقع ہے۔ سمیٹ شکلا نے کہا کہ ہندوستانی صارفین میں ذاتی نگداشت اور صحت سے متعلق مصنوعات کا رجحان تیزی سے بڑھ رہا ہے، جس کی وجہ سے کمپنی کو غیر معمولی کامیابی مل رہی ہے۔ برانڈ کی یہ کارکردگی اس بات کا ثبوت ہے کہ ہندوستانی مارکیٹ میں پریمیم اور معیاری ہیلتھ کیئر مصنوعات کی مانگ میں بڑا اضافہ ہو رہا ہے۔ کمپنی کے مطابق، پچھلے چند برسوں میں ڈیجیٹل مارکیٹنگ، ای کامرس پلیٹ فارمز اور ٹیلنٹ میں کی گئی سرمایہ کاری نے اس ترقی میں اہم کردار ادا کیا ہے۔ فلپس کا مقصد آنے والے دنوں میں اپنی پروڈکٹ رینج کو مزید وسعت دینا اور چھوٹے شہروں تک اپنی رسائی کو یقینی بنانا ہے۔ کمپنی صارفین کی ضروریات کو مدنظر رکھتے ہوئے نئی مصنوعات متعارف کرانے کا ارادہ رکھتی ہے تاکہ مارکیٹ میں اپنی برتری کو برقرار رکھا جا سکے اور مالی سال 2027 کے مقررہ ہدف کو با آسانی حاصل کیا جا سکے۔