کوہ پیما کی انوکھی دریافت: نایاب سی ڈریگن کا فوسل دریافت

برطانیہ سے تعلق رکھنے والے ایک کوہ پیما میتھیو مائرزکو نے اپنی زندگی کا ایک خطرناک تجربہ گزرنے کے بعد کوہ پیمائی کو خیرباد کہہ دیا اور ساحل سمندر پر فوسلز تلاش کرنے کا انوکھا شوق اپنا لیا۔ کچھ عرصہ قبل وہ برطانوی پہاڑ 'یر وائیڈفا' پر شدید برفانی طوفان کی زد میں آ گئے تھے اور برف میں پھنس جانے کی وجہ سے انہیں موت کا انتہائی قریب سے سامنا کرنا پڑا تھا۔ اس واقعے نے ان کی زندگی کا رخ ہمیشہ کے لیے بدل دیا اور انہوں نے پہاڑوں کی خطرناک چڑھائیوں سے توبہ کر کے سمندری کناروں کا رخ کرنے کا فیصلہ کیا۔ پہاڑوں کے کھردرے راستوں کو چھوڑنے کے بعد میتھیو نے اپنی توجہ ساحلی پٹیوں پر مرکوز کر دی جہاں وہ سمندری لہروں کے ساتھ بہہ کر آنے والے قدیم آثار اور فوسلز تلاش کرنے لگے۔ ساحل پر طویل تلاش اور عزم صمیم کے بعد ان کی محنت رنگ لائی اور انہوں نے ایک نایاب سمندری مخلوق 'سی ڈریگن' یعنی ichthyosaur کا مکمل فوسل دریافت کر لیا۔ ماہرین کے مطابق یہ دریافت حیاتِ قدیمہ کے مطالعہ میں انتہائی اہمیت کی حامل ہے کیونکہ اس طرح کے مکمل فوسلز بہت کم یاب ہوتے ہیں۔ اس حیرت انگیز دریافت نے نہ صرف سائنسی حلقوں میں ہلچل مچا دی ہے بلکہ میتھیو مائرزکو کو بھی دنیا بھر میں ایک منفرد پہچان دے دی ہے۔ اس کامیابی کے بعد میتھیو کا کہنا ہے کہ قدرت انسان کو بعض اوقات ایک خطرناک راستے سے ہٹا کر کسی اور بہتر مقصد کی طرف لے جاتی ہے، اور ان کے ساتھ بھی بالکل ایسا ہی ہوا۔