میرپورخاص میں جعلی اساتذہ کی بھرتی اور تنخواہوں کا اسکینڈل سامنے آ گیا

سندھ کے ضلع میرپورخاص میں محکمہ تعلیم کے اندر ایک انتہائی سنگین اور چونکا دینے والا معاملہ سامنے آیا ہے جہاں مبینہ طور پر جعلی اساتذہ کی بھرتیوں کا انکشاف ہوا ہے۔ ذرائع کے مطابق یہ اساتذہ کاغذی کارروائی کی حد تک تو محکمے کا حصہ تھے لیکن زمینی حقیقت میں وہ کبھی سکولوں میں پڑھانے نہیں آئے، اس کے باوجود ان کے نام پر باقاعدگی سے سرکاری خزانے سے تنخواہیں نکالی جا رہی تھیں۔ اس طرح قومی وسائل کو دونوں ہاتھوں سے لوٹنے کا یہ سلسلہ کافی عرصے سے جاری تھا جس نے تعلیمی نظام کی شفافیت پر گہرے سوالیہ نشان کھڑے کر دیے ہیں۔ ابتدائی رپورٹس کے مطابق اس گھناؤنے کھیل میں محکمہ تعلیم کے چند مقامی افسران اور عملے کی ملی بھگت کا بھی شبہ ظاہر کیا جا رہا ہے جنہوں نے مبینہ طور پر فرضی حاضری اور جعلی دستاویزات کی بنیاد پر ان نام نہاد اساتذہ کے فنڈز جاری کروائے۔ جب اس پورے معاملے کی اندرونی طور پر پڑتال کی گئی تو کئی چونکا دینے حقائق سامنے آئے جن کے بعد اعلیٰ حکام کی طرف سے نوٹس لیا گیا ہے۔ محکمہ تعلیم سندھ کے اعلیٰ حکام نے اس معاملے کی فوری اور شفاف تحقیقات کے احکامات جاری کر دیے ہیں تاکہ اس بات کا پتا لگایا جا سکے کہ اس نیٹ ورک کے پیچھے کون کون لوگ ملوث ہیں۔ متعلقہ اداروں کی جانب سے تمام اسکولوں کے ریکارڈ کو خنگالا جا رہا ہے اور اساتذہ کی حاضری کے رجسٹرز کی سخت جانچ پڑتال کی جا رہی ہے۔ عوامی اور سماجی حلقوں نے اس واقعے پر شدید ردعمل کا اظہار کرتے ہوئے مطالبہ کیا ہے کہ نہ صرف اس اسکینڈل میں ملوث تمام افراد کو بے نقاب کیا جائے بلکہ ان کے خلاف سخت ترین قانونی کارروائی عمل میں لائی جائے تاکہ آئندہ اس قسم کی بدعنوانی کا دوبارہ اعادہ نہ ہو سکے۔