اسحاق ڈار کی زیر صدارت یورپی یونین سے تجارت بڑھانے پر اہم بیٹھک

اسلام آباد (نیکسورا نیوز) نائب وزیراعظم اور وزیر خارجہ اسحاق ڈار نے یورپی یونین اور اہم اتحادی ممالک کے ساتھ دو طرفہ تجارت کو فروغ دینے کے لیے تیار کردہ حکمت عملی کا تفصیلی جائزہ لیا ہے۔ اس اعلیٰ سطح کے اجلاس کا بنیادی مقصد پاکستانی برآمدات کے لیے یورپی یونین کی مارکیٹ میں مزید رسائی حاصل کرنا اور ملک کے برآمدی حجم میں خاطر خواہ اضافہ کرنا ہے۔ اجلاس کے دوران ملکی معیشت کو مستحکم کرنے کے لیے طویل المدتی اور قلیل المدتی تجارتی اقدامات پر غور کیا گیا۔ اس موقع پر متعلقہ حکام نے نائب وزیراعظم کو آنے والے دنوں میں متوقع اعلیٰ سطحی دوروں اور ان کے تیاریوں کے حوالے سے بھی بریفنگ دی۔ اجلاس میں اس بات پر زور دیا گیا کہ پاکستان کو عالمی منڈیوں میں اپنی مصنوعات کا دائرہ کار بڑھانا چاہیے تاکہ ملکی ز مبادلہ کے ذخائر میں بہتری لائی جا سکے اور تجارتی خسارے کو کم کیا جا سکے۔ علاوہ ازیں، نائب وزیراعظم اسحاق ڈار نے بیرون ملک مقیم پاکستانیوں کے مسائل کے حل اور انہیں بہتر خدمات کی فراہمی کے لیے جدید ڈیجیٹل ٹیکنالوجیز کو تیزی سے اپنانے کی ضرورت پر بھی زور دیا۔ انہوں نے ہدایت کی کہ تمام متعلقہ محکمے اوورسیز پاکستانیوں کے لیے آن لائن پورٹلز اور ڈیجیٹل پلیٹ فارمز کو مزید فعال بنائیں تاکہ ان کے امور بغیر کسی تاخیر کے طے پائیں۔