ریئر ایڈمرل ایرانی کا بیان: دشمن ایرانی سرزمین کے قریب نہیں آ سکتا

تہران: ایران کی بحریہ کے کمانڈر ریئر ایڈمرل ایرانی نے واضح کیا ہے کہ ملک کی مسلح افواج دفاعی طور پر مکمل طور پر تیار ہیں اور دشمن کو ایرانی سرزمین کے قریب بھی پھٹکنے کی اجازت نہیں دی جائے گی۔ انہوں نے اس عزم کا اعادہ کیا ہے کہ ایران کے خلاف کسی بھی قسم کی جارحیت کا منہ توڑ اور تاریخی جواب دیا جائے گا۔ بین الاقوامی خبر رساں اداروں کے مطابق، ایران نے آبنائے ہرمز پر مکمل کنٹرول کا دعویٰ کیا ہے اور ان تمام دعوؤں کو مسترد کر دیا ہے جن میں ایرانی بحریہ کی تباہی یا کمزوری کا پرچار کیا جا رہا تھا۔ کمانڈر ایرانی کا کہنا ہے کہ خلیج عمان اور دیگر اہم بحری راستوں میں ایرانی بحریہ کی موجودگی بدستور موثر اور مضبوط ہے۔ انہوں نے مزید کہا کہ دشمن طاقتیں خطے میں اپنی موجودگی کے ذریعے جو بھی عزائم رکھتی ہیں، ایرانی عسکری قوت انہیں ناکام بنانے کی پوری صلاحیت رکھتی ہے۔ مسلح افواج ملک کی جغرافیایی حدود کے دفاع کے لیے ہم وقت تیار ہیں اور دشمن کو ایک قدم بھی آگے بڑھنے کی اجازت نہیں دی جائے گی۔