بنوں میں دہشت گردی کی کوشش ناکام، موٹر سائیکل سے بارودی مواد برآمد

بنوں کے علاقے میں س سیکورٹی فورسز اور پولیس نے ایک اور بڑی کامیابی حاصل کرتے ہوئے دہشت گردی کا ایک بڑا منصوبہ ناکام بنا دیا ہے۔ ذرائع کے مطابق پولیس نے خفیہ اطلاعات پر بروقت کارروائی کرتے ہوئے ایک مشکوک موٹر سائیکل کو روکا، جس کی تلاشی کے دوران اس میں چھپایا گیا خطرناک بارودی مواد برآمد ہوا۔ ابتدائی اطلاعات کے مطابق موٹر سائیکل سے تین سے پانچ کلو گرام تک بارودی مواد ملا ہے جسے بظاہر کسی اہم تنصیب یا عوامی اجتماع کو نشانہ بنانے کے لیے استعمال کیا جانا تھا۔ واقعے کی اطلاع ملتے ہی بم ڈسپوزل اسکواڈ کو فوری طور پر طلب کر لیا گیا جنہوں نے پیشہ ورانہ مہارت کا مظاہرہ کرتے ہوئے بارودی مواد کو ناکارہ بنا دیا۔ پولیس حکام کا کہنا ہے کہ اس بروقت کارروائی کے نتیجے میں ایک بڑا جانی و مالی نقصان ہونے سے بچ گیا ہے جو کہ دشمن عناصر کی طرف سے پھیلایا جانا تھا۔ پولیس اور دیگر قانون نافذ کرنے والے اداروں نے پورے علاقے کو گھیرے میں لے کر سرچ آپریشن شروع کر دیا ہے تاکہ اس سازش میں ملوث مکروہ کرداروں اور ان کے سہولت کاروں کو جلد از جلد قانون کے کٹہرے میں لایا جا سکے۔ مقامی عوام نے پولیس کی اس کارروائی کو سراہا ہے اور سیکورٹی فورسز کے ساتھ مکمل تعاون کا عزم ظاہر کیا ہے۔ پاکستان میں امن و امان کی فضا کو خراب کرنے والے عناصر کے خلاف سیکورٹی فورسز کی کارروائیاں پوری قوت سے جاری ہیں اور ملک دشمن عناصر کے ناپاک عزائم کو ہر صورت خاک میں ملایا جائے گا۔