امریکہ کا ایرانی پاسداران انقلاب کے رہنماؤں پر دس ملین ڈالر انعام کا اعلان

امریکہ کی حکومت نے ایک بار پھر ایران پر دباؤ بڑھاتے ہوئے پاسدارانِ انقلاب (آئی آر جی سی) کے اہم رہنماؤں اور عسکری کمانڈرز کے بارے میں معلومات فراہم کرنے کے عوض دس ملین ڈالر تک کے بھاری انعامات کا اعلان کیا ہے۔ اس فہرست میں کچھ ایسے کمانڈرز بھی شامل ہیں جو مبینہ طور پر جھڑپوں یا کارروائیوں میں ہلاک ہو چکے ہیں۔ امریکی حکام کا کہنا ہے کہ یہ انعامات ایرانی فورسز کے نیٹ ورک، ان کی مالی معاونت اور اہم شخصیات کے بارے میں خفیہ معلومات حاصل کرنے کے لیے رکھے گئے ہیں۔ اس اعلانات نے بین الاقوامی سطح پر ایک بار پھر ہلچل مچا دی ہے اور خطے میں کشیدگی کے بادل مزید گہرے ہو گئے ہیں۔ دوسری جانب، تہران کی حکومت نے امریکہ کے اس تازہ ترین قدم اور وسیع تر اقتصادی پابندیوں کو سخت تنقید کا نشانہ بنایا ہے۔ ایرانی حکام کا کہنا ہے کہ اس طرح کے ہتھکنڈے ایرانی عوام کے عزم کو متزلزل نہیں کر سکتے اور تہران اس کا بھرپور اور منہ توڑ جواب دینے کا حق محفوظ رکھتا ہے۔ مبصرین کا ماننا ہے کہ اس اعلان سے واشنگتن اور تہران کے درمیان پہلے سے کشیدہ تعلقات میں مزید تلخی آئے گی، جس سے مشرق وسطیٰ کی سلامتی پر بھی گہرے اثرات مرتب ہوں گے۔