اسپرم ویلز کی ٹکر کا راز فاش، سائنسدانوں نے پہلی بار ویڈیو بنالی

سمندری حیات کے محققین نے ایک صدی پرانے معمہ کو بالآخر حل کر لیا ہے جب انہوں نے پہلی بار کیمرے کی آنکھ سے اسپرم ویلز کو ایک دوسرے کے آمنے سامنے آتے اور تیز رفتاری سے سر ٹکراتے ہوئے ریکارڈ کیا۔ یہ منفرد مناظر ازورس کے اوپر اڑنے والے ڈرونز نے محفوظ کیے، جن میں دیکھا گیا کہ دو بڑی اسپرم ویلز نے ایک دوسرے کا رخ کیا اور پوری طاقت سے ایک دوسرے کو سر کی اگلی ہڈی سے ٹکر ماری۔ یہ وہ لمحہ تھا جس کے بارے میں ماہرین حیات دو صدیوں سے اندازہ لگا رہے تھے کہ ان کی مخصوص جسمانی ساخت دراصل ایک دوسرے کے خلاف استعمال ہونے والے ہتھوڑے کی مانند ہے، لیکن اس کی کوئی عملی یا بصری شہادت اب تک دستیاب نہیں تھی۔ سائنس کی دنیا میں اس دریافت کو بڑی اہمیت دی جا رہی ہے کیونکہ اس سے ان دیوقامت سمندری مخلوقات کے رویے اور ان کی جسمانی ساخت کے تعلق کو سمجھنے میں بڑی مدد ملے گی۔ محققین کا کہنا ہے کہ ان کے سر کی یہ مضبوط ساخت محض دفاع کے لیے نہیں بلکہ آپسی مقابلے اور طاقت کے مظاہرے کے لیے استعمال ہوتی ہے۔ اس تحقیق سے سمندری حیاتیات کے شعبے میں ایک نئے باب کا اضافہ ہوا ہے اور آنے والے دنوں میں اس نوع کے رویوں کے حوالے سے مزید دلچسپ انکشافات متوقع ہیں۔