پاکستان اور سعودی عرب کے درمیان معاشی و زرعی تعلقات کا فروغ

وزیر اعظم پاکستان نے اپنے ایک بیان میں سعودی عرب کے ساتھ دیرینہ اور سٹریٹجک تعلقات کو مزید گہرا کرنے کی ضرورت پر زور دیا ہے۔ انہوں نے دونوں برادر ممالک کے درمیان اقتصادی تعاون، تجارتی سرگرمیوں اور زراعت کے شعبے میں اشتراک کار کو نئی بلندیوں تک لے جانے کے عزم کا اعادہ کیا۔ وزیراعظم نے اس بات پر بھی روشنی ڈالی کہ سعودی عرب نے ہمیشہ مشکل وقت میں پاکستان کی بھرپور مدد کی ہے اور پاکستان کی معاشی ترقی میں سعودی قیادت کا کردار انتہائی قابل تحسین ہے۔ اس موقع پر دونوںممالک کے مابین باہمی دلچسپی کے امور، سرمایہ کاری کے نئے مواقع اور علاقائی صورتحال پر بھی تبادلہ خیال کیا گیا۔ ماہرین کا ماننا ہے کہ حالیہ پیش رفت سے دونوں ممالک کے درمیان تجارتی حجم میں نمایاں اضافہ ہوگا اور زرعی شعبے میں جدید ٹیکنالوجی کے تبادلے سے پاکستان کو خاطر خواہ فائدہ پہنچے گا۔ حکومت پاکستان کی طرف سے سعودی سرمایہ کاروں کے لیے خصوصی سہولیات فراہم کرنے کا عندیہ بھی دیا گیا ہے تاکہ ملک میں براہ راست غیر ملکی سرمایہ کاری کو فروغ دیا جا سکے اور معاشی استحکام کی راہ ہموار ہو۔