سارہ فرگوسن کی برطانیہ واپسی اور شہزادیوں کی تشویش

برطانوی شاہی خاندان کےحلقوں میں اس وقت ہلچل مچ گئی ہے جب یہ اطلاعات سامنے آئی ہیں کہ سارہ فرگوسن بہت جلد برطانیہ واپس آنے کا ارادہ رکھتی ہیں۔ اس خبر کے بعد ان کی دونوں صاحبزادیوں شہزادی یوجینی اور شہزادی بیٹریس کے حوالے سے بتایا جا رہا ہے کہ وہ اس پیش رفت پر شدید تشویش کا شکار ہیں۔ خاندانی ذرائع کے مطابق اس واپسی نے شاہی بہنوں کے سکون کو تہہ و بالا کر دیا ہے کیونکہ وہ اس صورتحال کے ممکنہ منفی اثرات کے حوالے سے فکرمند ہیں۔ سارہ فرگوسن کی جانب سے حالیہ عرصے میں اپنی رہائش اور مصروفیات میں تبدیلیاں کی گئی تھیں جو کہ ماضی کے کچھ متنازعہ انکشافات کے بعد سامنے آئی تھیں۔ ذرائع کا کہنا ہے کہ اس دوران یہ اطلاعات بھی لیک ہوئی ہیں کہ سارہ فرگوسن کسی تفصیلی اور تمام رازوں سے پردہ اٹھانے والی دستاویزی فلم یعنی ٹیل آل ڈاکومینٹری کا حصہ بن سکتی ہیں یا اس حوالے سے کچھ پلاننگ کر رہی ہیں۔ اس قسم کی خبروں نے شاہی خاندان کی دونوں شہزادیوں کو مزید الجھن میں ڈال دیا ہے کیونکہ وہ نہیں چاہتیں کہ ان کے خاندان کے حوالے سے کسی بھی قسم کے نئے تنازعات یا میڈیا ٹرائلز کا آغاز ہو۔ یاد رہے کہ ماضی میں جیفری ایپسٹین کے حوالے سے سامنے آنے والے انکشافات نے شاہی خاندان کو پہلے ہی کافی مشکلات سے دوچار کیا تھا اور سارہ فرگوسن کا نام بھی اس سے جڑتا رہا ہے۔ اب جبکہ وہ دوبارہ برطانیہ کا رخ کرنے کا ارادہ رکھتی ہیں اور ان کے ممکنہ میڈیا پروجیکٹس کی خبریں گرم ہیں، تو شہزادی بیٹریس اور یوجینی کے لیے یہ صورتحال کافی پریشان کن بن چکی ہے۔ شاہی امور پر نظر رکھنے والے ماہرین کا ماننا ہے کہ آنے والے دنوں میں سارہ فرگوسن کی وطن واپسی اور ان کے مجوزہ منصوبے برطانوی میڈیا میں ایک بار پھر بڑی بحث کا موضوع بن سکتے ہیں جس پر شاہی محل بھی گہری نظر رکھے ہوئے ہے۔