مکہ معاہدہ: پاکستان، سعودی عرب اور ترکیہ کا استنبول میں اہم اجلاس

اسلام آباد اور استنبول کی اطلاعات کے مطابق پاکستان، سعودی عرب اور ترکیہ مکہ جوائنٹ ڈیفنس معاہدے کے تحت اپنا پہلا اجلاس پیر کے روز ترکیہ کے دارالحکومت استنبول میں منعقد کرنے جا رہے ہیں۔ دفتر خارجہ کی جانب سے جاری کردہ ایک بیان میں اس بات کی تصدیق کی گئی ہے کہ 'مکرمہ جوائنٹ ڈیفنس معاہدے' کے تحت قائم کردہ اسٹریٹجک پولیٹیکل اینڈ ڈیفنس کمیٹی کا یہ افتتاحی اجلاس دونوں برادر ممالک کے ساتھ دفاعی اور سیاسی تعاون کو مزید مستحکم کرنے کی جانب ایک اہم سنگ میل ثابت ہوگا۔ اجلاس میں شرکت کے لیے پاکستانی وفد استنبول پہنچ چکا ہے جس میں نائب وزیراعظم اور وزیر خارجہ اسحاق ڈار، وزیر دفاع خواجہ آصف اور آرمی چیف فیلڈ مارشل عاصم منیر شامل ہیں۔ اس کے علاوہ ترکیہ اور سعودی عرب کے متعلقہ وزرائے خارجہ، وزرائے دفاع اور مسلح افواج کے سربراہان بھی اس اہم اجلاس میں شریک ہوں گے۔ دفتر خارجہ کے بیان کے مطابق، اس اعلیٰ سطح کے اجلاس میں پاکستان کی شرکت ترکیہ اور سعودی عرب کے ساتھ اس کے تاریخی دوستانہ تعلقات اور خطے میں پائیدار امن و استحکام کے لیے اس کے پختہ عزم کی عکاسی کرتی ہے۔ آرمی چیف کی ترکیہ آمد کے حوالے سے پاک فوج کے شعبہ تعلقات عامہ (آئی ایس پی آر) نے بھی تصدیق کی ہے کہ آرمی چیف ایک سرکاری دورے پر ترکیہ میں موجود ہیں۔ ترکیہ کے حکام نے بھی تصدیق کی ہے کہ وزیر خارجہ حاکن فدان، وزیر دفاع یاشار گولر اور ترک جنرل اسٹاف کے سربراہ اس اجلاس کا حصہ ہوں گے۔ استنبول آمد کے بعد پاکستانی نائب وزیراعظم اسحاق ڈار نے ترک وزیر خارجہ حاکم فدان سے بھی دو طرفہ ملاقات کی جس میں سیاسی، اقتصادی، سیکیورٹی اور ثقافتی شعبوں میں دو طرفہ تعلقات کے فروغ پر گہرے اطمینان کا اظہار کیا گیا۔ اس موقع پر پاک۔ترکیہ ہائی لیول اسٹریٹجک کوآپریشن کونسل کے تحت حاصل ہونے والی پیشرفت کا خیرمقدم کیا گیا اور اس کے اگلے اجلاس کو جلد منعقد کرنے پر بھی اتفاق کیا گیا۔ علاوہ ازیں، نائب وزیراعظم اسحاق ڈار نے استنبول میں حضرت ابو ایوب انصاری کے مزار کا دورہ بھی کیا جہاں انہوں نے فاتحه خوانی کی اور پاکستان کی سلامتی، خوشحالی اور امت مسلمہ کے اتحاد کے لیے خصوصی دعائیں مانگیں۔ توقع کی جا رہی ہے کہ استنبول میں ہونے والا یہ سہ فریقی اجلاس خطے کے بدلتے ہوئے جیو پولیٹیکل حالات میں سیکیورٹی تعاون کو ایک نئی سمت دے گا اور تینوں ممالک کے درمیان دفاعی اشتراک کو مزید مؤثر بنائے گا۔