صدر زرداری اور بلاول ویانا میں، اہم خاندانی مصروفیات کا انکشاف

پاکستان پیپلز پارٹی (پی پی پی) کے شریک چیئرمین اور صدر مملکت آصف علی زرداری اور چیئرمین پی پی پی بلاول بھٹو زرداری اس وقت آسیا کے دورے پر ہیں اور ذرائع کے مطابق وہ ویانا میں مقیم ہیں۔ ذرائع کا کہنا ہے کہ ان کا یہ دورہ کسی سرکاری مصروفیت کے بجائے خالصتاً خاندانی نوعیت کا ہے جہاں وہ ایک مقامی آسٹرین خاندان کے ساتھ اہم نجی معاملات اور شادی سے متعلق بات چیت میں مصروف ہیں۔ سیاسی حلقوں میں اس دورے کو انتہائی اہمیت کی نگاہ سے دیکھا جا رہا ہے تاہم پارٹی ذرائع نے تصدیق کی ہے کہ یہ ایک نجی خاندانی معاملہ ہے۔ خاندانی ذرائع سے یہ بھی معلوم ہوا ہے کہ بلاول بھٹو زرداری اور ہونے والی دلہن ایک دوسرے کو پہلے سے جانتے ہیں اور دونوں خاندانوں کے درمیان باضابطہ بات چیت کافی عرصے سے چل رہی تھی۔ ویانا میں ہونے والی ان ملاقاتوں کو اسی سلسلے کی ایک اہم کڑی قرار دیا جا رہا ہے جس میں دونوں خاندانوں کے قریبی افراد شریک ہیں۔ توقع کی جا رہی ہے کہ اس دورے کے اختتام پر یا پاکستان واپسی کے بعد اس حوالے سے کوئی باضابطہ اعلان سامنے آ سکتا ہے۔ صدر آصف علی زرداری اور بلاول بھٹو زرداری کے اس غیر معمولی خاندانی دورے نے میڈیا اور سوشل میڈیا پر بھی خاصی توجہ حاصل کر لی ہے، جہاں عوام اور پارٹی کارکنان کی جانب سے مبارکباد اور نیک خواہشات کا اظہار کیا جا رہا ہے۔ سیاسی مصروفیات سے ہٹ کر اس نجی خاندانی تقریب کو پیپلز پارٹی کی قیادت کے لیے ایک خوشگوار موڑ قرار دیا جا رہا ہے۔