انڈونیشیا جنگلات کی آگ: ملائیشیا کے بورنیو میں زہریلا دھواں پھیل گیا

انڈونیشیا کے جنگلات میں لگی خوفناک آگ کے نتیجے میں اٹھنے والا زہریلا دھواں اور کہرا پڑوسی ملک ملائیشیا کے علاقے بورنیو تک پہنچ گیا ہے، جس نے خطے کو اپنی لپیٹ میں لے لیا ہے۔ اس صورتحال کی وجہ سے ملائیشیا کی تاریخ میں گزشتہ ایک دہائی کا بدترین ماحولیاتی اور صحت کا بحران پیدا ہو گیا ہے، اور حکام نے شہریوں کو محتاط رہنے کی ہدایات جاری کی ہیں۔ رپورٹس کے مطابق ملائیشیا کے صوبے سراواک میں فضا زہریلے دھوئیں کی وجہ سے انتہائی آلودہ ہو چکی ہے، جس کے باعث مقامی آبادی میں سانس کی بیماریوں اور نظام تنفس کے مسائل کے شکار مریضوں کی تعداد میں اچانک بڑا اضافہ دیکھنے میں آیا ہے۔ اسپتالوں میں سانس اور گلے کی تکلیف میں مبتلا مریضوں کا رش بڑھ گیا ہے، اور طبی عملہ ہنگامی بنیادوں پر متاثرہ افراد کو طبی امداد فراہم کرنے میں مصروف ہے۔ ماہرینِ ماحولیات کا کہنا ہے کہ یہ صورتحال انڈونیشیا میں فصلوں کی باقیات جلانے اور جنگلات میں لگنے والی بے قابو آگ کی وجہ سے پیدا ہوئی ہے، جو ہوا کے رخ کے ساتھ ملائیشیا کے سرحدی علاقوں تک پہنچ گئی۔ مقامی انتظامیہ نے شہریوں کو غیر ضروری طور پر گھروں سے باہر نہ نکلنے اور باہر جاتے وقت ماسک کے لازمی استعمال کی تاکید کی ہے تاکہ اس زہریلے دھوئیں کے مضر اثرات سے بچا جا سکے۔