سیمسنگ گلیکسی ایس 27 کیمرہ اپ ڈیٹس اور لیکس

موبایل ٹیکنالوجی کی دنیا کی معروف ترین کمپنی سیمسنگ کے بارے میں نئی رپورٹس سامنے آئی ہیں جن کے مطابق کمپنی اپنی آئندہ آنے والی فلیگ شپ سمارٹ فون سیریز یعنی گلیکسی ایس 27 میں کیمرے کے نظام کو مکمل طور پر تبدیل کرنے کا ارادہ رکھتی ہے۔ ٹیکنالوجی کے حلقوں میں ان لیکس کو بہت زیادہ اہمیت دی جا رہی ہے کیونکہ صارفین طویل عرصے سے بیس ماڈلز میں زوم کی بہتر صلاحیتوں کا مطالبہ کر رہے تھے۔ سامنے آنے والی معلومات کے مطابق سیمسنگ اب گلیکسی ایس 27 اور ایس 27 پلس ماڈلز میں زوم کیمرے کو معنی خیز اپ گریڈ دینے کی تیاری کر رہی ہے تاکہ صارفین کو بہتر اور واضح زوم کے نتائج مل سکیں۔دوسری جانب سیریز کے سب سے اہم اور پریمیم ماڈل یعنی گلیکسی ایس 27 الٹرا کے حوالے سے بھی دلچسپ تفصیلات سامنے آ رہی ہیں۔ اطلاعات کے مطابق الٹرا ماڈل میں ایک بولڈ سنگل ٹیلی فوٹو کیمرہ سیٹ اپ کا تجربہ کیا جا رہا ہے جو کہ پچھلے ماڈلز کے مقابلے میں مختلف ہو سکتا ہے۔ تاہم بیٹری کے حوالے سے بھی کچھ افواہیں زیر گردش تھیں جن میں کہا جا رہا تھا کہ کمپنی نے ایس 27 الٹرا میں 7000 ایم اے ایچ کی بڑی بیٹری کے آپشن کو فی الحال مسترد کر دیا ہے۔ سیمسنگ کی جانب سے ان تمام تبدیلیوں کا بنیادی مقصد مارکیٹ میں اپنی برتری کو برقرار رکھنا اور صارفین کو جدید ترین فوٹوگرافی کا تجربہ فراہم کرنا ہے۔ ٹیکنالوجی ماہرین کا ماننا ہے کہ اگر یہ لیکس درست ثابت ہوتی ہیں تو گلیکسی ایس 27 سیریز سمارٹ فون کی دنیا میں ایک نیا سنگ میل ثابت ہوگی، کیونکہ بیس ماڈلز میں زوم کی بہتری کا طویل انتظار اب ختم ہونے کے قریب ہے۔ باضابطہ اعلانات کے لیے صارفین کو مزید کچھ عرصہ انتظار کرنا ہوگا، تاہم ابتدائی رپورٹس نے شائقین کے جوش و خروش کو دو آتشہ کر دیا ہے۔