آبنائے ہرمز میں آئل ٹینکر پر حملہ، برطانوی ایجنسی کا بیان

برطانوی بحری تجارت سے متعلق سکیورٹی ایجنسی یوکے میری ٹائم ٹریڈ آپریشنز (UKMTO) نے تصدیق کی ہے کہ اہم ترین سمندری گزرگاہ آبنائے ہرمز کے قریب ایک آئل ٹینکر کو تین نامعلوم پراجیکٹائلز نے نشانہ بنایا ہے۔ اس حملے کے بعد بین الاقوامی سطح پر بحری جہازوں کی نقل و حرکت اور خطے کی مجموعی سکیورٹی کے حوالے سے شدید تشویش کی لہر دوڑ گئی ہے کیونکہ یہ تجارتی راستہ عالمی تیل کی سپلائی کے لیے ریڑھ کی ہڈی کی حیثیت رکھتا ہے۔ ابتدائی اطلاعات کے مطابق اس ٹینکر پر سعودی عرب کا تیل لدا ہوا تھا اور اسے مشرق وسطیٰ کی اس حساس ترین گزرگاہ پر نامعلوم سمت سے داغے گئے پراجیکٹائلز سے نقصان پہنچانے کی کوشش کی گئی۔ خطے میں اس سے قبل بھی تجارتی بحری جہازوں اور آئل ٹینکرز کو نشانہ بنائے جانے کے متعدد واقعات رونما ہو چکے ہیں، جن کی وجہ سے بین الاقوامی بحری سکیورٹی فورسز ہمیشہ ہائی الرٹ پر رہتی ہیں۔ موجودہ واقعے کے بعد متعلقہ میری ٹائم حکام نے بحری جہازوں کو ہدایت کی ہے کہ وہ آبنائے ہرمز سے گزرتے وقت انتہائی احتیاط برتیں اور کسی بھی مشکوک سرگرمی کی صورت میں فوری طور پر متعلقہ سکیورٹی اداروں کو اطلاع دیں۔ تاحال کسی گروپ یا ملک کی طرف سے اس حملے کی ذمہ داری قبول نہیں کی گئی ہے، تاہم سیکورٹی ماہرین اس واقعے کو خطے میں جاری کشیدگی کا ایک نیا موڑ قرار دے رہے ہیں۔ بین الاقوامی خبر رساں اداروں کے مطابق اس حملے کے نتیجے میں جہاز کو پہنچنے والے نقصان اور عملے کی خیریت کے بارے میں تفصیلات اکھٹی کی جا رہی ہیں۔ تیل کی ترسیل کے اس اہم ترین روٹ پر سکیورٹی خداتل کے پیش نظر دنیا بھر کی نظریں اس واقعے اور اس کے بعد کی صورتحال پر مرکوز ہیں تاکہ عالمی مارکیٹ میں توانائی کی فراہمی کو یقینی بنایا جا سکے۔