پاکستانی سیکیورٹی فورسز نے افغان سرحد پر 15 دہشت گرد ہلاک کر دیے

پاکستانی سیکیورٹی فورسز نے شمالی وزیرستان کے سرحدی علاقے میں ایک کامیاب انٹیلی جنس بیسڈ آپریشن کے دوران افغانستان سے ملک میں داخل ہونے کی کوشش کرنے والے 15 شدت پسندوں کو ہلاک کر دیا۔ پاک فوج کے شعبہ تعلقات عامہ (آئی ایس پی آر) کے مطابق یہ کارروائی اس وقت عمل میں لائی گئی جب دہشت گردوں نے افغان سرحد پار کر کے پاکستانی حدود میں داخل ہونے کی ناپاک کوشش کی۔ سیکیورٹی فورسز نے بروقت کارروائی کرتے ہوئے دہشت گردوں کے اس گروہ کو گھیرے میں لے لیا اور فائرنگ کے تبادلے کے بعد تمام 15 شدت پسندوں کو جہنم واصل کر دیا۔ حکام کا کہنا ہے کہ مارے جانے والے ان دہشت گردوں میں ایک انتہائی مطلوب کمانڈر بھی شامل ہے جو سیکیورٹی فورسز اور معصوم شہریوں کے خلاف متعدد کارروائیوں میں ملوث تھا۔ اس کامیاب آپریشن پر وزیراعلیٰ بلوچستان سمیت ملک کی اعلیٰ سیاسی و عسکری قیادت نے سیکیورٹی فورسز کے افسران اور جوانوں کی بہادری اور پیشہ ورانہ مہارت کو زبردست خراج تحسین پیش کیا ہے۔ رہنماؤں کا کہنا ہے کہ ملک کے دفاع اور دہشت گردی کے ناسور کو جڑ سے اکھاڑ پھینکنے کے لیے سیکیورٹی فورسز کا عزم غیر متزلزل ہے اور پاک فوج دشمن کے ہر ناپاک عزائم کو خاک میں ملانے کی بھرپور صلاحیت رکھتی ہے۔