ڈاکٹر شابی احمد کو تمغہ امتیاز عطا - پاکستان نیوز

اسلام آباد میں ہونے والی ایک باوقار قومی تقریب کے دوران صدرِ مملکت آصف علی زرداری نے برطانوی نژاد پاکستانی کنسلٹنٹ یورولوجسٹ ڈاکٹر محمد شابی احمد کو ان کی شاندار طبی خدمات کے اعتراف میں ملک کےے وقار کی علامت 'تمغہ امتیاز' سے سرفراز کیا۔ یہ تقریب 14 مئی 2026 کو اسلام آباد میں منعقد ہوئی جہاں ملک و قوم کے لیے نمایاں خدمات انجام دینے والی نامور شخصیات کو اعزازات سے نوازا گیا۔ ڈاکٹر محمد شابی احمد کا شمار برطانیہ کے ممتاز ترین یورولوجسٹس میں ہوتا ہے، جنہیں گردے کی پتری کے جدید علاج اور سرجری کے شعبے میں نمایاں ترین مقام حاصل ہے۔ انہوں نے طب کے میدان میں ایسی نئی تکنیکس متعارف کروائی ہیں جنہوں نے مریضوں کے لیے پیچیدہ سرجریوں کو انتہائی آسان اور محفوظ بنا دیا ہے۔ ان کی انھی گراں قدر طبی خدمات اور پاکستان کے ساتھ ان کی گہری وابستگی کو مدنظر رکھتے ہوئے حکومتِ پاکستان نے انہیں اس اعلیٰ ترین سول اعزاز کے لیے منتخب کیا۔ تقریب کے دوران صدرِ پاکستان نے ڈاکٹر شابی احمد کی خدمات کو زبردست خراجِ تحسین پیش کیا اور امید ظاہر کی کہ وہ بیرونِ ملک مقیم پاکستانیوں کے لیے ایک روشن مثال بنے رہیں گے۔ ڈاکٹر شابی احمد نے اس اعزاز کو اپنے لیے اور تمام سمندر پار پاکستانیوں کے لیے باعثِ فخر قرار دیا اور اس عزم کا اعادہ کیا کہ وہ صحت کے شعبے میں اپنی خدمات کا سلسلہ جاری رکھیں گے تاکہ زیادہ سے زیادہ انسانیت کی فلاح و بہبود ممکن ہو سکے۔