پمز اسپتال آتشزدگی: بہادر نرس کے لیے وزیر اعظم کا ایک کروڑ روپے انعام

وزیر اعظم پاکستان شہباز شریف نے اسلام آباد کے پاکستان انسٹی ٹیوٹ آف میڈیکل سائنسز (پمز) میں پیش آنے والے المناک آتشزدگی کے واقعے میں غیر معمولی بہادری کا مظاہرہ کرنے والی نرس کو ایک کروڑ روپے کا نقد انعام دیا ہے۔ وزیر اعظم نے تقریب کے دوران نرس کی خدمات کو سراہتے ہوئے کہا کہ اس نے اپنی جان کی پروا کیے بغیر ایک معصوم نومولود کی جان بچا کر انسانیت کی بہترین مثال قائم کی ہے۔ یہ واقعہ ملک بھر میں موضوع بحث بنا ہوا ہے جہاں ہر مکتبہ فکر کے لوگ اس نرس کے جذبے کو خراج تحسین پیش کر رہے ہیں۔ یاد رہے کہ اس سے قبل اس بہادر نرس نے اپنے ایک انٹرویو میں افسوس کا اظہار کیا تھا کہ وہ کاش حادثے کے دوران مزید بچوں کو بچا سکتی۔ دوسری جانب، اس سنگین واقعے کی باضابطہ تحقیقات مکمل کر لی گئی ہیں۔ پولیس حکام نے پمز اسپتال میں لگنے والی آگ کے اس واقعے کی جامع انکوائری کے بعد تفصیلی رپورٹ انسپکٹر جنرل (آئی جی) کو ارسال کر دی ہے تاکہ واقعہ کے اصل محرکات کا تعین کیا جا سکے اور غفلت برتنے والے ذمہ داروں کا کاتعین ہو سکے۔ پمز اسپتال کے اس واقعے نے طبی اداروں میں سکیورٹی اور فائر سیفٹی کے انتظامات پر ایک بار پھر سنجیدہ سوالات اٹھا دیے ہیں۔ حکومت نے اس بات کا اعادہ کیا ہے کہ اسپتالوں میں مریضوں کی جان و مال کے تحفظ کو ہر صورت یقینی بنایا جائے گا اور غفلت کے مرتکب عناصر کے خلاف سخت قانونی کارروائی عمل میں لائی جائے گی۔