امریکی فوج کی کارروائی، ایران کے تین تیل بردار جہاز تباہ

امریکی سینٹرل کمانڈ (سینٹکام) نے اپنے ایک اہم بیان میں انکشاف کیا ہے کہ اس کی فوجی فورسز نے ہفتے کے روز ایران کے تین خام تیل کے کیریئرز کے خلاف کامیاب فضائی کارروائیاں کی ہیں۔ امریکی عسکری حکام کے مطابق یہ اقدام حالیہ دنوں میں خطے میں امریکی جنگی جہازوں پر ہونے والے حملوں اور اشتعال انگیزی کے جواب میں اٹھایا گیا ہے۔ امریکی فوج خطے میں اپنے اثاثوں اور اہلکاروں کی سکیورٹی کو یقینی بنانے کے لیے پرعزم ہے۔ دوسری جانب اس کارروائی کے بعد مشرق وسطیٰ کی مجموعی صورتحال مزید کشیدہ ہونے کا خدشہ ظاہر کیا جا رہا ہے۔ بین الاقوامی مبصرین کے مطابق دونوںممالک کے درمیان جاری تناؤ میں اس نئے واقعے کے بعد مزید شدت آسکتی ہے، جس سے تیل کی سپلائی لائنز اور بحری تجارت پر بھی گہرے اثرات مرتب ہو سکتے ہیں۔ امریکی حکام کا کہنا ہے کہ وہ خطے میں کسی بھی مزید خطرے کا منہ توڑ جواب دینے کی مکمل صلاحیت رکھتے ہیں اور جارحیت کا سلسلہ جاری رہنے کی صورت میں مزید کارروائیوں سے گریز نہیں کیا جائے گا۔ عالمی برادری نے اس تازہ کشیدگی پر شدید تشویش کا اظہار کرتے ہوئے فریقین سے تحمل سے کام لینے کی اپیل کی ہے تاکہ خطے کو ایک بڑی جنگ سے بچایا جا سکے۔