برطانیہ میں شہزادہ ہیری اور میگن مارکل کی خاموشی کی اصل وجہ سامنے آگئی

برطانوی شاہی خاندان کے سابق سینئر ارکان شہزادہ ہیری اور میگن مارکل کی برطانیہ آمد کے بعد سے عوامی سطح پر کم موجودگی نے میڈیا اور شاہی شائقین کی توجہ مبذول کر لی ہے۔ ذرائع کے مطابق جوڑے کی اس خاموشی اور منظر عام سے دوری کی ایک بڑی وجہ طویل سفر کے بعد ہونے والی تھکن اور جیٹ لیگ ہے جس سے وہ فی الحال نبرد آزما ہیں۔ طویل سفر کے بعد جسمانی بحالی کے لیے کچھ وقت درکار ہوتا ہے اور یہی وجہ ہے کہ وہ فی الحال عوامی تقریبات سے گریزاں ہیں۔ اس دوران اطلاعات یہ بھی سامنے آ رہی ہیں کہ جوڑے نے اپنے بچوں آرچی اور لیلیبیٹ کے لیے کچھ خریداری کی غرض سے بھی وقت نکالا ہے۔ اگرچہ وہ انتہائی نجی انداز میں اپنے روزمرہ کے امور نپٹا رہے ہیں، تاہم ان کی موجودگی برطانوی میڈیا میں مسلسل شہ سرخیوں کا حصہ بنی ہوئی ہے۔ میگن مارکل کے خیراتی منصوبوں سے وابستہ افراد کا کہنا ہے کہ وہ اپنے فلاحی کاموں کے حوالے سے بھی سنجیدہ ہیں اور برطانیہ میں اپنے قیام کے دوران ان امور پر بھی توجہ دے رہے ہیں۔ دوسری جانب، میڈیا رپورٹس میں یہ دعویٰ بھی کیا جا رہا ہے کہ اس دورے کے حوالے سے شاہی خاندان کے دیگر ارکان خصوصاً شہزادہ ولیم اور کیٹ مڈلٹن کے حلقوں میں تشویش پائی جاتی ہے۔ تجزیہ کاروں کا ماننا ہے کہ ہیری اور میگن کی برطانیہ میں موجودگی اور ان کے ممکنہ اقدامات پر شاہی محل کی گہری نظر ہے۔ اس تمام صورتحال کے باوجود، جوڑے کی طرف سے تحال کوئی بڑا عوامی اعلان یا باضابطہ بیان سامنے نہیں آیا ہے اور وہ اپنے اس سفر کو انتہائی رازداری کے ساتھ آگے بڑھا رہے ہیں۔ آنے والے دنوں میں یہ دیکھنا دلچسپ ہوگا کہ آیا شہزادہ ہیری اور میگن مارکل اپنے اس دورے کے دوران کسی عوامی تقریب کا حصہ بنتے ہیں یا نہیں، یا پھر وہ اپنی تمام مصروفات کو خفیہ رکھتے ہوئے واپس روانہ ہو جاتے ہیں۔ فی الحال، ان کے پرستار اور ناقدین دونوں ہی ان کے اگلے قدم کا بے صبری سے انتظار کر رہے ہیں تاکہ صورتحال مزید واضح ہو سکے۔