عالمی منڈی میں تیل کی قیمتیں بڑھ گئیں، آبنائے ہرمز بحران

عالمی منڈی میں خام تیل کی قیمتیں حالیہ چھ ہفتوں کی بلند ترین سطح پر پہنچ گئی ہیں جس کی بنیادی وجہ آبنائے ہرمز کے قریب امریکہ اور ایران کے مابین کشیدگی اور بڑھتے ہوئے حملے ہیں۔ اس اہم سمندری گزرگاہ پر ٹریفک کی نقل و حرکت شدید متاثر ہوئی ہے، جس کے باعث توانائی کے عالمی ذخائر اور سپلائی کے حوالے سے سنگین خدشات پیدا ہو گئے ہیں۔ تجارتی حلقوں کے مطابق اس صورتحال نے بین الاقوامی مارکیٹ میں ہلچل مچا دی ہے اور سرمایہ کاروں میں تشویق و اضطراب کی لہر دوڑ گئی ہے۔ آبنائے ہرمز دنیا بھر کے تیل کی ترسیل کے لیے ایک انتہائی اہم ترین اسٹریٹجک روٹ مانا جاتا ہے۔ یہاں کسی بھی قسم کی فوجی کشیدگی یا حملے براہ راست عالمی توانائی کی ترسیل کو معطل یا متاثر کرتے ہیں۔ حالیہ واقعات کے بعد تیل بردار بحری جہازوں کی آمدورفت میں بڑی رکاوٹیں حائل ہو چکی ہیں، جس کے نتیجے میں عالمی منڈی میں خام تیل کے نرخوں میں یکدم تیزی دیکھی گئی ہے۔ معاشی ماہرین کا کہنا ہے کہ اگر فریقین کے درمیان یہ کشیدگی طویل ہوتی ہے اور حالات میں بہتری نہیں آتی، تو تیل کی قیمتوں میں مزید ہوشربا اضافہ دیکھنے کو مل سکتا ہے۔ اس سے نہ صرف صنعتی پیداوار بلکہ دنیا بھر میں مہنگائی کا ایک نیا طوفان آنے کا خدشہ بھی ظاہر کیا جا رہا ہے۔ متعلقہ عالمی ادارے اور بڑی معیشتیں اس بحران پر گہری نظر رکھے ہوئے ہیں تاکہ کسی بھی بدترین معاشی منظر نامے سے بچا جا سکے۔