یوم دفاع اور شہداء پاکستان پر پاک فوج کو شاندار خراج تحسین

پاکستان بھر میں یومِ دفاع و شہداء انتہائی عقیدت و احترام اور ملی جوش و جذبے کے ساتھ منایا جا رہا ہے۔ اس پروقار موقع پر ملک بھر میں خصوصی تقریبات کا انعقاد کیا گیا جن کا بنیادی مقصد 1965 کی جنگ کے شہداء اور ملک کی خاطر اپنی جانوں کا نذرانہ پیش کرنے والے تمام بہادر سپاہیوں کی قربانیوں کو یاد کرنا ہے۔ سیاسی اور عسکری قیادت نے اس بات پر زور دیا ہے کہ پاکستانی قوم اپنے شہداء کی قربانیوں کو کبھی فراموش نہیں کرے گی۔ اس موقع پر جاری کیے گئے پیغامات میں صدرِ مملکت اور وزیراعظم سمیت دیگر اہم شخصیات نے علاقائی سلامتی کے فروغ میں پاکستان کے کلیدی اور بڑھتے ہوئے کردار کو بھرپور انداز میں اجاگر کیا۔ رہنمائوں کا کہنا تھا کہ پاکستان نے امن کی خاطر بے پناہ قربانیاں دی ہیں اور ہماری مسلح افواج ملکی سرحدوں کے دفاع کے لیے ہم وقت تیار ہیں۔ جدید جنگی تقاضوں کے تناظر میں پاک فضائیہ کی ملٹی ڈومین صلاحیتوں اور ٹیکٹیکل برتری کو بھی خصوصی طور پر خراجِ تحسین پیش کیا گیا۔ وزیراعظم نے 1965 کی جنگ سے لے کر معرکہ حق تک کے تمامم تاریخی واقعات کا ذکر کرتے ہوئے پاک فضائیہ کے شاہینوں کی شجاعت، عزم اور پیشہ ورانہ مہارت کو سراہا۔ انہوں نے کہا کہ مشکل ترین حالات میں بھی پاک فضائیہ نے دشمن کے ناپاک عزائم کو خاک میں ملایا اور اپنی تاریخی روایات کو برقرار رکھا۔ دفاعی تجزیہ کاروں کا ماننا ہے کہ یومِ دفاع ہمیں یہ یاد دلاتا ہے کہ ملکی بقا اور سلامتی کے لیے اتحاد اور مضبوط دفاعی صلاحیت کتنی ضروری ہے۔ تقریبات کے دوران شہداء کے درجات کی بلندی کے لیے خصوصی دعائیں مانگی گئیں جبکہ غازیوں کو تمغوں سے نوازا گیا اور ان کی خدمات کو سراہا گیا۔ پوری قوم نے اس عزم کا اعادہ کیا کہ ملک کی جغرافیائی اور نظریاتی سرحدوں کا دفاع کرنے والی پاک فوج کے شانہ بشانہ کھڑے ہو کر ہر قسم کے چیلنجز کا ڈٹ کر مقابلہ کیا جائے گا اور وطن کی سالمیت پر کبھی آنچ نہیں آنے دی جائے گی۔