برطانیہ میں خاتون کے گھر کے قریب قدیم رومن بندرگاہ دریافت

برطانیہ میں دریافت ہونے والے آثارِ قدیمہ نے ایک بار پھر تاریخ کے دریچوں کو وا کر دیا ہے جہاں ایک خاتون کے گھر کے عقب میں واقع چراگاہ سے قدیم رومن دور کی ایک بندرگاہ کے باقیات ملے ہیں۔ یہ اہم ترین دریافت ہمبر ایسچوئری کے قریب واقع علاقے برو ف میں عمل میں آئی ہے، جہاں ماہرین آثار قدیمہ نے زمین کے نیچے دفن تاریخی رازوں سے پردہ اٹھایا ہے۔ اس انکشاف نے مقامی لوگوں کے ساتھ ساتھ پوری سائنسی اور تاریخی برما دری کو بھی حیرت میں ڈال دیا ہے۔ ماہرین کا کہنا ہے کہ یہ مقام کبھی رومن سلطنت کے دوران تجارت اور بحری نقل و حرکت کا ایک اہم مرکز رہا ہوگا۔ دریافت ہونے والے ان آثار میں قدیم عمارتوں کی بنیادیں اور بندرگاہ کے وہ ڈھانچے شامل ہیں جو صدیاں گزر جانے کے باوجود زمین کے اندر محفوظ رہے۔ محققین کا خیال ہے کہ اس جگہ کی مزید کھدائی سے رومن دور کے تجارتی نظام اور اس خطے کی جغرافیای اہمیت کے بارے میں مزید اہم حقائق سامنے آئیں گے۔ اس نئی دریافت کے بعد اب اس علاقے میں تاریخی تحقیق کا دائرہ کار مزید وسیع کر دیا گیا ہے تاکہ اس قدیم بندرگاہ کے مکمل پس منظر کو سمجھا جا سکے۔ ماہرین کا ماننا ہے کہ یہ مقام برطانوی تاریخ میں رومن دور کے اثرات کو جاننے کے لیے ایک سنگ میل ثابت ہوگا اور اس سے ماضی کی کئی ان کہی کہانیاں بھی باہر آئیں گی۔