کراچی موسم کی تازہ ترین خبر بارش مون سون کا امکان

کراچی کے شہریوں کے لیے ایک بار پھر موسم خوشگوار ہونے کی خبر سامنے آ رہی ہے جہاں محکمہ موسمیات نے پیشگوئی کی ہے کہ شہر قائد میں آج گرج چمک کے ساتھ بارش ہو سکتی ہے۔ مون سون کے ان سسٹمز کے داخل ہونے کے بعد شہر کے مختلف علاقوں میں بادل برسنے کا امکان ظاہر کیا گیا ہے، جس سے حب حبس کے مارے شہریوں کو شدید گرمی سے بڑی حد تک نجات ملنے کی توقع ہے۔ انتظامیہ اور متعلقہ محکموں کو بھی اس حوالے سے الرٹ جاری کر دیا گیا ہے تاکہ کسی بھی ہنگامی صورتحال سے بروقت نپٹا جا سکے۔ ماہرینِ موسمیات کے مطابق آج شہر کا زیادہ سے زیادہ درجہ حرارت چھتیس ڈگری سینٹی گریڈ تک رہنے کی توقع ہے جبکہ فضا میں نمی کا تناسب بیاسی فیصد ریکارڈ کیا گیا ہے۔ سمندری ہوائیں آٹھ کلومیٹر فی گھنٹہ کی رفتار سے چل رہی ہیں جو کہ موسم میں نمی کے تناسب کو برقرار رکھے ہوئے ہیں۔ اس موسمی تبدیلی کے باعث شام یا رات کے اوقات میں شہر کے بعض حصوں میں تیز ہواؤں کے ساتھ بارش کا امکان ہے۔ شہریوں اور خصوصاً موٹر سائیکل سواروں کو ہدایت کی گئی ہے کہ وہ غیر ضروری سفر سے گریز کریں اور سڑکوں پر پھسلن کے خطرے کے پیش نظر احتیاطی تدابیر اختیار کریں۔ دوسری جانب، ٹریفک پولیس نے بھی نش نشیبی علاقوں میں پانی جمع ہونے کی صورت میں متبادل راستوں کے استعمال کی ہدایات جاری کر دی ہیں تاکہ روزمرہ کی آمدورفت میں کسی قسم کی بڑی رکاوٹ کا سامنا نہ کرنا پڑے۔