ماہواری اور ورزش کا تعلق، ماہرین صحت کی اہم ہدایات

خواتین میں ماہواری کا نظام یعنی مینسٹرل سائیکل انتہائی پیچیدہ اور انفرادی نوعیت کا حامل ہوتا ہے۔ آج کے دور میں سوشل میڈیا پر صحت اور فٹنس سے متعلق بے شمار مشورے عام ہیں، جن میں یہ دعویٰ کیا جاتا ہے کہ خواتین کو اپنی ماہواری کے مختلفمراحل کے مطابق ورزش کی روٹین تبدیل کرنی چاہیے۔ تاہم، محققین کا کہنا ہے کہ اس طرح کی عمومی ہدایات ہر خاتون پر یکساں طور پر لاگو نہیں کی جاسکتیں۔ ہر انسان کا جسم مختلف انداز میں ردعمل ظاہر کرتا ہے، اور کسی ایک کے لیے کارآمد نسخہ دوسری کے لیے نقصان دہ یا غیر مؤثر ثابت ہو سکتا ہے۔ طبی ماہرین کا کہنا ہے کہ سوشل میڈیا پر آنے والے ہر رجحان یا ٹرینڈ پر آنکھیں بند کر کے عمل کرنے سے گریز کرنا چاہیے۔ ماہواری کے دوران جسمانی سرگرمیوں یا ورزش کا تعلق براہ راست خاتون کی ذاتی جسمانی طاقت، ہارمونز کی سطح اور مجموعی صحت پر ہوتا ہے۔ کچھ خواتین اس دورانیے میں ہلکی پھلکی ورزش یا یوگا سے بہتر محسوس کرتی ہیں، جبکہ دیگر کو مکمل آرام کی ضرورت ہوتی ہے۔ اس لیے کسی بھی قسم کے فِٹنس پلان کو اپنانے سے پہلے اپنے جسم کی آواز سننا اور طبی ماہرین یا گائناکالوجسٹ سے مشورہ کرنا انتہائی ضروری ہے۔ محققین اس بات پر زور دے رہے ہیں کہ خواتین کو سوشل میڈیا کے عمومی مشوروں کے بجائے اپنے جسم کی انفرادی ضروریات کو مدنظر رکھتے ہوئے ورزش کا انتخاب کرنا چاہیے۔ صحت مند طرز زندگی کے لیے ضروری ہے کہ اپنے معالج کی رہنمائی میں ایسا لائحہ عمل تیار کیا جائے جو آپ کی ذاتی صحت کے عین مطابق ہو۔