عالمی منڈی میں تیل کی قیمتوں میں اضافہ، برینٹ آئل 107 ڈالر کے قریب

عالمی منڈی میں تیل کی قیمتوں میں ایک بار پھر شدید تیزی کا رجحان دیکھا جا رہا ہے جہاں برینٹ خام تیل کی قیمتیں 107 ڈالر فی بیرل کے قریب ٹریڈ ہو رہی ہیں۔ مشرق وسطیٰ میں جاری کشیدگی اور خاص طور پر حوثی اور سعودی عرب کے درمیان تنازع میں شدت کے بعد عالمی توانائی کی منڈیوں میں شدید بے یقینی پھیل گئی ہے۔ تجزیہ کاروں کا کہنا ہے کہ مئی کے وسط کے بعد یہ پہلا موقع ہے کہ تیل اس ہفتے 100 ڈالر فی بیرل سے اوپر کی سطح پر بند ہونے کے لیے تیار ہے۔ اس صورتحال نے عالمی معیشت کے لیے نئے چلیکنجز پیدا کر دیے ہیں کیونکہ سپلائی چین میں تعطل کے خدشات بڑھتے جا رہے ہیں۔ دوسری جانب امریکہ میں بھی ڈیزل کی قیمتوں نے تمام سابقہ ریکارڈ توڑ دیے ہیں جس سے مہنگائی کے طوفان کا خطرہ مزید سنگین ہو گیا ہے۔ توانائی کے شعبے کے ماہرین کا انتباہ ہے کہ اگر خطے میں جاری یہ کشیدگی مزید بڑھی تو آنے والے دنوں میں تیل کی قیمتیں 120 ڈالر فی بیرل کی حد کو بھی عبور کر سکتی ہیں۔ آئل ٹینکرز پر حالیہ حملوں اور سکیورٹی خدشات کی وجہ سے تیل بردار جہازوں کی نقل و حرکت متاثر ہوئی ہے جس کے براہ راست اثرات عالمی منڈی پر پڑ رہے ہیں۔ تیل، گیس اور قرض لینے کی لاگت میں ہونے والے اس اچانک اضافے سے عالمی سطح پر کساد بازاری کے خدشات کو بھی تقویت ملی ہے، اور حکومتیں اس بحران سے نمٹنے کے لیے ہنگامی بنیادوں پر لائحہ عمل تیار کر رہی ہیں۔