ڈونلڈ ٹرمپ کا دورہ آئرلینڈ، غزہ تنازع پر شدید عوامی احتجاج کی تیاری

سابق امریکی صدر ڈونلڈ ٹرمپ کے متوقع دورہ آئرلینڈ کے پیش نظر ملک بھر میں شدید غصے اور احتجاج کی لہر دوڑ گئی ہے۔ آئرش عوام اور مختلف سیاسی حلقوں کی جانب سے اس دورے کی شدید مخالفت کی جا رہی ہے، کیونکہ غزہ کے معاملے پر ڈونلڈ ٹرمپ کے موقف اور پالیسیوں کو یہاں انتہائی تنقید کی نگاہ سے دیکھا جاتا ہے۔ عوامی تنظیموں کا کہنا ہے کہ آئرلینڈ کے دورے کے دوران بڑے پیمانے پر مظاہرے کیے جائیں گے تاکہ اس بات کا واضع پیغام دیا جا سکے کہ آئرش عوام ان کی پالیسیوں کی حمایت نہیں کرتے۔ دوسری جانب آئرش صدر پہلے ہی امریکہ کے حوالے سے اپنے تحفظات کا کھل کر اظہار کر چکے ہیں اور امریکہ کو ایک غیر قابل بھروسہ قوت قرار دے چکے ہیں۔ سیاسی تجزیہ کاروں کے مطابق، موجودہ حالات میں ڈونلڈ ٹرمپ کا یہ دورہ سفارتی لحاظ سے انتہائی حساس نوعیت کا حامل ہو گا، جہاں انہیں شدید عوامی مخالفت کا سامنا کرنا پڑ سکتا ہے۔ آئرلینڈ میں غزہ کے معاملے پر فلسطینیوں کے ساتھ اظہارِ یکجہتی کے لیے پہلے ہی پرزور تحریک جاری ہے، اور ٹرمپ کی آمد اس جذبے کو مزید جلا بخش سکتی ہے۔ سکیورٹی کے انتظامات کو بھی سخت کر دیا گیا ہے تاکہ کسی بھی ممکنہ ناخوشگوار صورتحال سے نمٹا جا سکے، تاہم احتجاجی گروپوں نے اپنے عزائم واضح کرتے ہوئے کہا ہے کہ وہ پرامن لیکن بھرپور طریقے سے اپنے غصے کا اظہار کریں گے۔