وزیراعظم کا بجلی لوڈشیڈنگ دو گھنٹے کرنے کا حکم

وزیرِ اعظم محمد شہباز شریف نے ملک بھر میں بجلی کی غیر اعدانیہ اور طویل لوڈشیڈنگ کا سخت نوٹس لیتے ہوئے ہدایت کی ہے کہ کسی بھی علاقے میں روزانہ بجلی کی بندش کو دو گھنٹے سے زیادہ نہ بڑھایا جائے۔ وزیراعظم کا یہ فیصلہ ایسے وقت میں سامنے آیا ہے جب ملک کو توانائی کے شعبے میں شدید چیلنجز کا سامنا ہے اور ایل این جی کی درآمدات میں کمی کی وجہ سے بجلی کی پیداوار پر برے اثرات مرتب ہو رہے ہیں۔ وزیراعظم آفس سے جاری ہونے والی ہدایات کے مطابق متعلقہ وزارتوں اور پاور ڈسٹ্রি بیوشن کمپنیوں کو اس بات کا پابند بنایا گیا ہے کہ وہ اس اصول پر سختی سے عمل درآمد یقینی بنائیں۔ حکام کا کہنا ہے کہ آبنائے ہرمز میں پیدا ہونے والی کشیدگی اور بین الاقوامی سطح پر ایل این جی کی سپلائی متاثر ہونے کے باعث پاکستان کو گیس کی دستیابی میں مشکلات کا سامنا ہے، جس کی وجہ سے ملک میں بجلی کی پیداواری لاگت اور کمی میں اضافہ ہوا۔ اس صورتحال کے باوجود وزیراعظم نے عوام کو اس مشکل گھڑی میں ریلیف فراہم کرنے کے لیے ہنگامی بنیادوں پر اقدامات کرنے کی ہدایت کی ہے۔ وفاقی حکومت نے پاور سیکٹر کے تمام اداروں کو حکم دیا ہے کہ وہ بجلی کی ترسیل کے نظام میں بہتری لائیں اور لائن لاسز کو کم کرنے کے لیے فوری حکمت عملی مرتب کریں۔ وزیرِ اعظم نے واضح کیا ہے کہ عوام کی مشکلات میں مزید اضافہ برداشت نہیں کیا جائے گا اور وہ خود اس صورتحال کی ذاتی طور پر نگرانی کریں گے تاکہ عام شہریوں کو زیادہ سے زیادہ ریلیف مل سکے۔