مریم نواز کی صاحبزادی ماہنور صفدر کا نکاح، اہم تقریب جتی امرا میں منعقد

وزیراعلیٰ پنجاب مریم نواز شریف کی صاحبزادی ماہنور صفدر کا نکاح اذان جبار کے ساتھ جاتی امرا میں منعقد ہوا۔ اس پروقار تقریب میں دونوں خاندانوں کے قریبی افراد اور عزیز و اقارب نے شرکت کی، جبکہ تقریب کے حوالے سے تیاریاں کئی دنوں سے جاری تھیں۔ نکاح کی اس تقریب کو انتہائی سادہ مگر پروقار رکھا گیا جس میں روایتی اقدار کا خاص خیال رکھا گیا۔ ذرائع کے مطابق نکاح کی تقریب جاتی امرا میں واقع مریم نواز کی رہائش گاہ پر ہوئی جہاں سکیورٹی کے سخت انتظامات کیے گئے تھے۔ دلہن ماہنور صفدر اپنے نکاح کے روز انتہائی خوبصورت اور روایتی لباس میں ملبوس نظر آئیں، جن کی تصاویر اور ویڈیوز سوشل میڈیا پر بھی کافی پسند کی جا رہی ہیں۔ تقریب میں سیاسی و سماجی شخصیات کی محدود شرکت متوقع تھی تاکہ تقریب کو خاندانی نوعیت کا رکھا جا سکے۔ نکاح کی تقریب کے بعد ملک بھر سے سیاسی رہنماؤں اور اہم شخصیات کی جانب سے وزیراعلیٰ پنجاب مریم نواز شریف اور ان کے اہل خانہ کو مبارکباد دینے کا سلسلہ جاری ہے۔ وزیر اعظم اور دیگر اہم رہنماؤں نے بھی مریم نواز کی بیٹی کے نکاح پر نیک خواہشات کا اظہار کیا ہے۔ عوام اور سوشل میڈیا صارفین کی جانب سے بھی ماہنور صفدر کے لیے نئی زندگی کی شروعات پر ڈھیروں دعائیں دی جا رہی ہیں۔