بریڈ پٹ بچوں سے دوری کے بعد انیس ڈی ریمن کے قریب تر ہوگئے

ہالی ووڈ کے صف اول کے اداکار بریڈ پٹ ان دنوں اپنی ذاتی زندگی میں ایک انتہائی مشکل دور سے گزر رہے ہیں۔ اطلاعات کے مطابق ان کے بچوں کے ساتھ تعلقات میں کشیدگی اور بڑھتی ہوئی دوری نے اداکار کو اندرونی طور پر توڑ کر رکھ دیا ہے، جس کا انہیں شدید صدمہ پہنچا ہے۔ بچوں کی جانب سے دوری اختیار کیے جانے کے بعد بریڈ پٹ شدید جذباتی دباؤ کا شکار ہیں اور اس کیفیت سے نکلنے کی کوشش کر رہے ہیں۔ ایسے کٹھن حالات میں معروف جیولری ڈیزائنر اور انیس ڈی ریمن نے بریڈ پٹ کا ہاتھ تھام رکھا ہے اور وہ اداکار کے لیے ایک مضبوط جذباتی ڈھال ثابت ہو رہی ہیں۔ قریبی ذرائع کا کہنا ہے کہ انیس ڈی ریمن اس مشکل وقت میں بریڈ پٹ کے ساتھ چٹان کی طرح کھڑی ہیں اور انہیں اس ذہنی تناؤ سے باہر نکالنے میں بھرپور مدد فراہم کر رہی ہیں۔ دونوں کے درمیان تعلقات اس کڑے وقت میں مزید گہرے ہو گئے ہیں۔ بریڈ پٹ اور انیس ڈی ریمن کے تعلقات کے حوالے سے شوبز حلقوں میں بھی کافی چہ مگوئیاں جاری ہیں، تاہم زیادہ تر مبصرین کا یہی ماننا ہے کہ مشکل حالات میں ایک دوسرے کا ساتھ دینا ان کے رشتے کو مزید پختہ کر رہا ہے۔ اداکار کے قریبی دوستوں کا کہنا ہے کہ انیس کا مثبت رویہ اور پرسکون شخصیت بریڈ پٹ کے لیے اس طوفانی دور میں کسی نعمت سے کم نہیں ہے۔