ملائیشین وزیراعظم کا بھارتی میڈیا کو منہ توڑ جواب، پاکستان مخالف پروپیگنڈا مسترد

ملائیشیا کے وزیراعظم انور ابراہیم نے اپنے دورہ بھارت کے دوران بھارتی میڈیا کی جانب سے پاکستان کو دہشت گردی سے جوڑنے کی تمام کوششوں کو ناکام بناتے ہوئے دوٹوک مؤقف اپنایا ہے۔ بھارتی میڈیا کے ایک معروف چینل کے اینکر نے انٹرویو کے دوران پاکستان کے خلاف ہرزہ سرائی کرتے ہوئے منفی بیانیہ پیش کرنے کی کوشش کی، تاہم ملائیشین وزیراعظم نے اس پروپیگنڈے کو یکسر مسترد کر دیا۔ انور ابراہیم نے واضح کیا کہ وہ اس قسم کے الزامات اور سازشی بیانیے کا حصہ نہیں بنیں گے۔ اس موقع پر انہوں نے دو طرفہ امور اور علاقائی صورتحال پر گفتگو کرتے ہوئے اپنے اصولی مؤقف کو برقرار رکھا اور پاکستان کو دہشت گردی کا ذمہ دار قرار دینے کے بھارتی ہتھکنڈوں کی نفی کی۔ دوسری جانب، اس معاملے پر ردعمل ظاہر کرتے ہوئے پاکستان کے سابق وزیر خارجہ بلاول بھٹو زرداری نے بھی بھارتی میڈیا اور حکومتی رویے پر کڑی تنقید کی ہے۔ انہوں نے اپنے ایک بیان میں یاد دلایا کہ ماضی میں بھی بھارت نے جھوٹ کی بنیاد پر جنگ شروع کی تھی اور اسے شرمناک شکست کا سامنا کرنا پڑا تھا۔ بین الاقوامی سطح پر ملائیشیا کے وزیراعظم کے اس متوازن اور غیر جانبدارانہ مؤقف کو سراہا جا رہا ہے، کیونکہ انہوں نے بھارت کے دورے پر ہوتے ہوئے بھی دباؤ میں آئے بغیر حق اور سچ کا ساتھ دیا۔ سیاسی تجزیہ کاروں کا کہنا ہے کہ انور ابراہیم کا یہ بیان بھارتی میڈیا کے اس متعصبانہ رویے پر ایک زور دار طمنچہ ہے جو خطے میں مستقل طور پر پاکستان کے خلاف من گھڑت کہانیاں گھڑتا رہتا ہے۔ اس واقعے نے ایک بار پھر ثابت کر دیا ہے کہ عالمی رہنما اب بھارتی پروپیگنڈے کی حقیقت کو اچھی طرح سمجھ چکے ہیں اور وہ اس قسم کے الزامات کو کوئی اہمیت نہیں دیتے۔