وزیراعظم پاکستان کی لبنان کی خودمختاری کی حمایت اور اسرائیلی جارحیت کی مذمت

اسلام آباد: وزیراعظم پاکستان نے لبنان کی خودمختاری اور علاقائی سالمیت کے لیے ملک کی غیر متزلزل حمایت کا اعادہ کیا ہے اور خطے میں جاری اسرائیلی جارحیت کی پرزور مذمت کی ہے۔ ذرائع کے مطابق وزیراعظم شہباز شریف سے لبنان کے وزیر داخلہ نے ملاقات کی جس میں دوطرفہ تعلقات، خطے کی موجودہ سیکیورٹی صورتحال اور باہمی دلچسپی کے امور پر تفصیلی تبادلہ خیال کیا گیا۔ اس موقع پر وزیراعظم نے لبنانی حکومت اور عوام کے ساتھ مکمل یکجہتی کا اظہار کرتے ہوئے اس بات پر زور دیا کہ پاکستان مشکل کی اس گھڑی میں اپنے لبنانی بھائیوں کے ساتھ کھڑا ہے۔ ملاقات کے دوران اس امر پر بھی اتفاق کیا گیا کہ پاکستان اور لبنان کے درمیان مختلف شعبوں بالخصوص سیکیورٹی اور قانون نافذ کرنے کے اداروں کے مابین اشتراک کار کو مزید فروغ دینے کی ضرورت ہے۔ صدر مملکت اور وزیراعظم دونوں نے اس بات چیت کو آگے بڑھاتے ہوئے دوطرفہ تعاون کو مستحکم کرنے کے عزم کا اعادہ کیا ہے۔ عالمی برداری سے بھی یہ مطالبہ کیا گیا ہے کہ وہ مشرق وسطیٰ میں امن و امان کی بحالی اور اسرائیلی جارحیت کو روکنے کے لیے اپنا کردار ادا کرے۔ تجزیہ کاروں کے مطابق پاکستان کا یہ مؤقف خطے کے دیرینہ مسائل کے پرامن حل اور اقوام متحدہ کے چارٹر کی پاسداری کے لیے اس کے پرعزم سفارتی رویے کا عکاس ہے۔