پاکستانی روپیہ مضبوط، ڈالر کے مقابلے میں ریٹ 277.3 روپے ہوگیا

کاروباری ہفتے کے دوران پاکستانی روپے نے امریکی ڈالر کے مقابلے میں اپنی قدر میں بہتری کا سلسلہ جاری رکھا ہے اور روپے کی قدر میں معمولی اضافہ ریکارڈ کیا گیا ہے۔ مالیاتی مارکیٹ سے موصول ہونے والی اطلاعات کے مطابق انٹر بینک مارکیٹ میں کاروبار کے اختتام پر پاکستانی روپیہ 277.3 کی سطح پر بند ہوا۔ معاشی ماہرین کا کہنا ہے کہ ز مبادلہ کے ذخائر اور درآمدی کنٹرول کی وجہ سے ملکی کرنسی کو کچھ استحکام مل رہا ہے۔ فچ سلوشنز اور بی ایم آئی کی حالیہ رپورٹس میں بھی اس بات کا اشارہ دیا گیا ہے کہ روپے کی قدر میں بڑی کمی فی الحال موخر ہو چکی ہے جس سے سرمایہ کاروں میں بھی کسی حد تک اطمینان پایا جاتا ہے۔ دوسری جانب بزنس ریکارڈر اور میٹس گلوبل کی رپورٹس کے مطابق اوپن مارکیٹ اور انٹر بینک میں تجارتی سرگرمیاں معمول کے مطابق جاری ہیں اور فارن ایکسچینج ریٹس میں معمولی اتار چڑھائو دیکھا جا رہا ہے۔ بین الاقوامی مالیاتی فنڈ کے ساتھ جاری پروگرام اور دوست ممالک سے ملنے والی اقتصادی معاونت بھی پاکستانی روپے کے استحکام میں اہم کردار ادا کر رہی ہے۔ تجارتی حلقوں کا ماننا ہے کہ اگر برآمدات میں اضافہ اور ترسیلات زر اسی رفتار سے جاری رہیں تو آنے والے دنوں میں روپے کی پوزیشن مزید بہتر ہوسکتی ہے۔ تاہم معاشی ماہرین کا یہ بھی کہنا ہے کہ مہنگائی کے دبائو اور تجارتی خسارے پر قابو پانے کے لیے طویل المدتی اصلاحات ناگزیر ہیں تاکہ ملکی معیشت کو پائیدار بنیادیں فراہم کی جا سکیں۔