وزیراعظم کی ہدایت: ایندھن سبسڈی اسکیم کے لیے سہولت ڈیسک قائم

وزیراعظم پاکستان نے ملک میں بڑھتی ہوئی مہنگائی اور عالمی منڈی میں پیٹرولیم مصنوعات کی قیمتوں میں اتار چڑھاؤ کے تناظر میں عوام کو ریلیف فراہم کرنے کے لیے اہم اقدامات کی ہدایت کی ہے۔ اس سلسلے میں ایندھن سبسڈی اسکیم کے موثر نفاذ کے لیے ملک بھر میں خصوصی سہولت ڈیسک قائم کرنے کا حکم دیا گیا ہے تاکہ مستحق افراد کو کسی بھی مشکل کے بغیر اس اسکیم سے فائدہ پہنچایا جا سکے۔ حکام کے مطابق اس اسکیم کا بنیادی مقصد عام آدمی کو عالمی منڈی کے منفی اثرات سے بچانا ہے۔ دوسری جانب حکومت کی جانب سے پیٹرولیم مصنوعات کی قیمتوں میں حالیہ اضافے کے بعد عوام کے لیے خصوصی امدادی پیکیج کا دائرہ کار وسیع کیا جا رہا ہے۔ اس ضمن میں متعلقہ اداروں کو ہدایت کی گئی ہے کہ وہ رجسٹریشن کے عمل کو انتہائی آسان اور شفاف بنائیں۔ ذرائع کا کہنا ہے کہ اس عمل کے دوران نادرا اور دیگر متعلقہ اداروں کا تعاون حاصل کیا جا رہا ہے تاکہ اصل حق داروں تک جلد از جلد امداد اور سبسڈی کی فراہمی کو یقینی بنایا جا سکے۔ حکومتی ترجمانون کا کہنا ہے کہ ملک میں اسمارٹ لاک ڈاؤن یا اس نوعیت کی کسی بھی افواہ میں کوئی صداقت نہیں ہے اور تمام معاشی سرگرمیاں معمول کے مطابق جاری ہیں۔ حکومت عوام کو زیادہ سے زیادہ ریلیف دینے کے لیے تمام دستیاب وسائل بروئے کار لاء رہی ہے۔ ایندھن سبسڈی اسکیم کے حوالے سے قائم کیے جانے والے یہ سہولت ڈیسک شہریوں کی رہنمائی میں اہم کردار ادا کریں گے اور انہیں رجسٹریشن کے تمام مراحل سے آگاہ کریں گے۔