انگلینڈ میں خشک سالی، مسلسل سات ماہ کی بارش ناگزیر

نئی سائنسی تحقیق میں یہ بات سامنے آئی ہے کہ انگلینڈ کو شدید ترین خشک سالی کے بحران سے مکمل طور پر باہر نکلنے کے لیے کم از کم سات ماہ تک مسلسل اور اوسط سے زیادہ بارشوں کی ضرورت ہوگی۔ ماہرین کا کہنا ہے کہ رواں سال کے غیر معمولی طور پر خشک موسم بہار اور موسم گرما نے ملک کے آبی ذخائر کو بری طرح متاثر کیا ہے جس کے اثرات اب بھی برقرار ہیں۔ حالیہ اعداد و شمار کے مطابق انگلینڈ کا تقریباً پہتر فیصد رقبہ اب بھی خشک سالی کی زد میں ہے۔ زراعت، آبی وسائل اور ماحولیاتی امور کے ماہرین نے اس صورتحال پر گہری تشویش کا اظہار کیا ہے۔ ان کا ماننا ہے کہ اگرچہ عارضی طور پر ہلکی پھلکی بارشیں ہو رہی ہیں، لیکن زیر زمین پانی کی سطح کو بحال کرنے اور آبی ذخائر کو ان کی معمول کی پوزیشن پر لانے کے لیے طویل المدتی اور مسلسل بارش کا ہونا ناگزیر ہے۔ ماہرین کا مزید کہنا ہے کہ موسمیاتی تبدیلیوں کے باعث موسم کے روایتی انداز تبدیل ہو چکے ہیں، جس کی وجہ سے اس طرح کے طویل خشک سالی کے ادوار میں اضافہ ہو رہا ہے۔ حکومت اور متعلقہ اداروں کو اس حوالے سے ہنگامی بنیادوں پر پانی کے مؤثر انتظام اور تحفظ کے لیے مزید اقدامات کرنے کی ضرورت ہے تاکہ مستقبل میں ایسے بحرانوں سے نمٹا جا سکے۔