ایپل کا سام سنگ کے ساتھ فولڈ ایبل آئی فون ڈسپلے کا معاہدہ

ٹیکنالوجی کے معروف ادارے ایپل نے اپنے آنے والے فولڈ ایبل آئی فون کے لیے جنوبی کوریا کی مشہور کمپنی سام سنگ کے ساتھ ڈھائی سو ملین ڈالر کا ایک بڑا معاہدہ طے کر لیا ہے۔ بلومبرگ اور دیگر عالمی میڈیا رپورٹس کے مطابق اس نئے اقدام سے فولڈ ایبل اسمارٹ فونز مارکیٹ میں ایک نیا معیار قائم ہونے کی توقع ہے اور یہ ٹیکنالوجی عام صارفین کی پہنچ میں مزید قریب آ جائے گی۔ ماہرین کا خیال ہے کہ اس معاہدے سے ایپل کو اعلیٰ معیار کے ڈسپلے پینلز کی فراہمی یقینی ہوگی جو اس نئے اور منفرد ڈیوائس کے لیے انتہائی ضروری ہیں۔ اگرچہ ایپل کی جانب سے اس منصوبے کو خفیہ رکھا جا رہا ہے تاہم مارکیٹ کے تجزیہ کاروں کا کہنا ہے کہ نیا 'آئی فون ڈیو' نامی ماڈل مارکیٹ میں تہلکہ مچا سکتا ہے۔ یہ ڈیوائس نہ صرف جدید ترین فیوچرز سے آراستہ ہوگی بلکہ اس کی سکرین فولڈنگ ٹیکنالوجی بھی انتہائی جدید ہوگی۔ تاہم، کچھ ماہرین یہ بھی خدشہ ظاہر کر رہے ہیں کہ ابتدائی مراحل میں پیداوار محدود ہونے کی وجہ سے صارفین کے لیے اس فون کو اس سال باآانی خریدنا کافی مشکل ہو سکتا ہے اور طلب و رسد میں فرق آ سکتا ہے۔ اس معاہدے کے بعد جنوبی کوریا کی سپلائی چین پر ایپل کا انحصار بھی زیر بحث آ گیا ہے کیونکہ کورین مینوفیکچررز دنیا بھر میں سکرین ٹیکنالوجی کے بڑے فراہم کنندہ ہیں۔ تجزیہ کار اس بات کا جائزہ لے رہے ہیں کہ آیا یہ خطہ مستقبل میں ایپل کے فولڈ ایبل پروڈکٹس کے لیے کتنا اہم ثابت ہوگا۔ دوسری جانب، صارفین اور ٹیک شائقین نئے آئی او ایس سسٹمز اور بہتر سری (Siri) کے ساتھ اس فولڈ ایبل ڈیوائس کا بے صبری سے انتظار کر رہے ہیں۔