وزیراعظم شہباز شریف نیویارک پہنچ گئے، اقوام متحدہ میں خطاب کریں گے

وزیر اعظم محمد شہباز شریف اقوام متحدہ کی جنرل اسمبلی (UNGA) کے 81 ویں سالانہ اجلاس میں شرکت اور اہم خطاب کے لیے نیویارک پہنچ گئے ہیں۔ نیویارک کے ہوائی اڈے پر پہنچنے پر پاکستانی حکام اور سفارتی عملے نے ان کا پاستقبال کیا۔ وزیر اعظم کا یہ دورہ سفارتی لحاظ سے انتہائی اہمیت کا حامل ہے جہاں وہ عالمی فورم پر پاکستان کا مؤقف بھرپور انداز میں پیش کریں گے۔ شیڈول کے مطابق، وزیر اعظم شہباز شریف 25 ستمبر کو اقوام متحدہ کی جنرل اسمبلی کے اجلاس سے کلیدی خطاب کریں گے۔ اپنے خطاب کے دوران وہ مقبوضہ جموں و کشمیر اور فلسطین کے دیرینہ اور حساس مسائل کو زور و شور سے اجاگر کریں گے۔ اس کے علاوہ وہ خطے میں امن و امان کی صورتحال، موسمیاتی تبدیلی کے اثرات اور بین الاقوامی چیلنجز سے نمٹنے کے لیے پاکستان کے کردار اور قربانیوں کو دنیا کے سامنے رکھیں گے۔ نیویارک میں قیام کے دوران وزیر اعظم شہباز شریف کی مختلفم ممالک کے سربراہان مملکت اور حکومتوں کے ساتھ دو طرفہ ملاقاتیں بھی طے ہیں۔ ان ملاقاتوں میں دو طرفہ تعلقات، تجارتی تعاون، علاقائی سلامتی اور باہمی دلچسپی کے امور پر تفصیلی تبادلہ خیال کیا جائے گا۔ سفارتی ذرائع کا کہنا ہے کہ ان ملاقاتوں کا مقصد دنیا کے اہم رہنماؤں کے ساتھ پاکستان کے تعلقات کو مزید فروغ دینا اور معاشی تعاون میں اضافہ کرنا ہے۔ حکام کا ماننا ہے کہ وزیراعظم کا یہ دورہ پاکستان کی خارجہ پالیسی کے تناظر میں نہایت اہم سنگ میل ثابت ہوگا۔ عالمی برادری کے ساتھ رابطے مضبوط کرنے اور پاکستان کے مثبت تشاجر کو اجاگر کرنے کے لیے اس دورے کو انتہائی سودمند قرار دیا جا رہا ہے۔ نیویارک میں موجود پاکستانی وفد اس دوران بین الاقوامی میڈیا سے بھی بات چیت کرے گا اور پاکستان کے مؤقف کی بھرپور ترجمانی کرے گا۔