حمزه فرخ پاکستان کلائمٹ چینج اتھارٹی کے چیئرمین مقرر

اسلام آباد: وزیر اعظم پاکستان شہباز شریف نے ملک میں ماحولیاتی تبدیلی کے چیلنجز سے نمٹنے کے لیے ایک اہم فیصلہ کرتے ہوئے حمزه فرخ کو پاکستان کلائمٹ چینج اتھارٹی (PCCA) کا نیا چیئرمین مقرر کر دیا ہے۔ ان کی یہ تقرری دو سال کے کنٹریکٹ کی بنیاد پر کی گئی ہے اور اس حوالے سے تمام قانونی تقاضے پورے کرنے کے بعد باقاعدہ نوٹیفکیشن بھی جاری کر دیا گیا ہے۔ یہ تقرری ایسے وقت میں سامنے آئی ہے جب پاکستان کو عالمی سطح پر موسمیاتی تبدیلیوں کے شدید اثرات کا سامنا ہے اور حکومت اس شعبے میں فوری اور مؤثر اقدامات کرنے کے لیے پرعزم ہے۔ نقرر ہونے والے چیئرمین حمزه فرخ اپنے ساتھ ماحولیاتی امور اور انتظامی امور کا وسیع تجربہ رکھتے ہیں۔ توقع کی جا رہی ہے کہ وہ اپنے اس دو سالہ دورِ کار میں پاکستان کلائمٹ چینج اتھارٹی کے اغراض و مقاصد کو بہتر طریقے سے آگے بڑھائیں گے۔ ملک میں بڑھتی ہوئی ماحولیاتی آلودگی، جنگلات کے کٹاؤ، اور پانی کی قلت جیسے سنگین مسائل سے نمٹنے کے لیے پالیسی سازی میں اس اتھارٹی کا کردار انتہائی اہمیت کا حامل ہے۔ اسٹیبلشمنٹ ڈویژن کی جانب سے جاری کردہ حکم نامے کے مطابق، حمزه فرخ فوری طور پر اپنے عہدے کا چارج سنبھالیں گے۔ حکومتیحلقوں کا ماننا ہے کہ نوجوان اور متحرک قیادت کے آنے سے ماحولیاتی تبدیلی کے محکمے میں نئی جان پڑے گی اور بین الاقوامی اداروں کے ساتھ تعاون کو بھی فروغ ملے گا۔ پاکستان دنیا کے ان ممالک میں شامل ہے جو موسمیاتی تبدیلیوں سے سب سے زیادہ متاثر ہو رہے ہیں، اس لیے اس نوعیت کے اہم اداروں کی فعال کارکردگی ملکی مستقبل کے لیے ناگزیر ہے۔