شام کے صدر احمد الشراع کا اسرائیل کے خلاف سخت انتباہ

شام کے صدر احمد الشراع نے حالیہ دنوں میں اسرائیل کی جانب سے کی جانے والی فوجی کارروائیوں اور حملوں پر سخت تشویش کا اظہار کرتے ہوئے خبردار کیا ہے کہ یہ کارروائی طویل خانہ جنگی کے بعد ملک میں شروع ہونے والے تعمیر نو اور بحالی کے نازک عمل کو شدید خطرے میں ڈال رہی ہیں۔ انہوں نے عالمی برادری سے مطالبہ کیا ہے کہ وہ خطے میں امن و استحکام کی بحالی کے لیے اپنا کردار ادا کرے اور شامی خودمختاری کے خلاف ہونے والی ان کارروائیوں کا نوٹس لے۔ اپنے ایک حالیہ بیان میں صدر الشراع کا کہنا تھا کہ شامی عوام نے سالوں کی خانہ جنگی، بدترین مصائب اور اقتصادی تباہی کا سامنا کیا ہے اور اب جب ملک میں ایک نئے دور کا آغاز ہو رہا ہے اور حالات معمول پر لانے کی کوششیں جاری ہیں، تو اس قسم کی بیرونی مداخلت اور حملے پورے خطے کے امن کو داؤ پر لگا رہے ہیں۔ انہوں نے واضح کیا کہ شام اپنے دفاع اور اپنی علاقائی سالمیت کے تحفظ کے لیے ہر ممکنہ سفارتی اور قانونی حق استعمال کرے گا۔ تجزیہ کاروں کا کہنا ہے کہ طویل تنازعے کے بعد شام کو اس وقت جن سنگین اقتصادی اور سیکیورٹی چیلنجز کا سامنا ہے، ان میں بیرونی حملے صورتحال کو مزید پیچیدہ بنا سکتے ہیں۔ حکومت کی اولین ترجیح ملک کے بنیادی ڈھانچے کی بحالی اور بے گھر ہونے والے شہریوں کی اپنے گھروں کو واپسی ہے، لیکن مسلسل جاری کشیدگی اور فوجی کارروائیوں کی وجہ سے ان فلاحی اور تعمیری کوششوں کو شدید دھچکا لگ رہا ہے۔ صدر الشراع نے اپنے خطاب اور بیانات میں اس بات پر زور دیا کہ خطے کے تمام ممالک کو ایک دوسرے کی خودمختاری کا احترام کرنا چاہیے تاکہ خطے کے غوام کو مزید کسی المیے کا سامنا نہ کرنا پڑے۔ شام اب مزید کسی جنگ کا متحمل نہیں ہو سکتا، اس لیے تمام فریقین کو کشیدگی میں کمی لانے اور سفارتی ذرائع سے مسائل کا حل تلاش کرنے کی ضرورت ہے تاکہ ملک میں مستقل امن قائم ہو سکے۔