شیاومی 18 پرو اور پرو میکس جدید فیچرز کے ساتھ لانچ

معروف ٹیکنالوجی کمپنی شیاومی نے اپنے نئے اور انتہائی جدید فلیگ شپ اسمارٹ فونز Xiaomi 18 Pro اور Xiaomi 18 Pro Max کو باضابطہ طور پر متعارف کرا دیا ہے۔ ان نئے فونز میں جدید ترین اسنیپ ڈریگن پراسیسرز نصب کیے گئے ہیں جو صارفین کو شاندار کارکردگی اور تیز رفتار پروسیسنگ فراہم کریں گے۔ کمپنی کی جانب سے ان ڈیوائسز میں جدید پرائیویسی ڈسپلے اور زیادہ مفید ریئر اسکرینز بھی شامل کی گئی ہیں جو اس سیریز کو پچھلے ماڈلز سے نمایاں طور پر الگ بناتی ہیں۔ ذرائع کے مطابق شیاومی کی اس نئی سیریز میں بڑی بیٹریوں کا استعمال کیا گیا ہے جن کی گنجائش 8500mAh تک بتائی جا رہی ہے، جو طویل وقت تک بیٹری بیک اپ فراہم کرنے کی صلاحیت رکھتی ہے۔ اس کے علاوہ، کیمرے کے شعبے میں بھی اہم اپ ڈیٹس کی گئی ہیں جن میں ڈوئل 200 میگاپکسل کیمرہ سیٹ اپ شامل ہے جو موبائل فوگرافی کے شوقین افراد کے لیے ایک بہترین تجربہ ثابت ہوگا۔ شیاومی نے اس بات کی بھی تصدیق کی ہے کہ 18 پرو سیریز کو عالمی سطح پر فروخت کے لیے پیش کیا جائے گا، جس کا مطلب ہے کہ یہ صرف چین تک محدود نہیں رہے گی۔ بھارتی مارکیٹ کے حوالے سے رپورٹس ہیں کہ Xiaomi 18 Pro اس سال کمپنی کا واحد فلیگ شپ لانچ ہوگا۔ تکنیکی ماہرین کا کہنا ہے کہ یہ نئے فونز سمارٹ فون مارکیٹ میں ایک نیا معیار قائم کریں گے اور دیگر بڑی کمپنیوں کو سخت مقابلہ دیں گے۔