چیئرمین سینٹ اور پاکستانی ریسلر اطہر زاہد کی اہم ملاقات

اسلام آباد: چیئرمین سینٹ سے پاکستان کے نامور پروفیشنل ریسلر اطہر زاہد نے ایک اہم ملاقات کی ہے۔ ملاقات کے دوران ملک میں کھیلوں بالخصوص پروفیشنل ریسلنگ کے فروغ اور نوجوانوں کو اس شعبے کی طرف راغب کرنے کے حوالے سے تفصیلی تبادلہ خیال کیا گیا۔ اس موقع پر چیئرمین سینٹ نے اطہر زاہد کی خدمات کو سراہتے ہوئے کہا کہ پاکستانی نوجوانوں میں ٹیلنٹ کی کوئی کمی نہیں ہے اور ضرورت اس بات کی ہے کہ انہیں بین الاقوامی سطح پر اپنی صلاحیتیں دکھانے کے لیے سازگار ماحول اور بہترین پلیٹ فارم فراہم کیا جائے۔ ملاقات کے دوران ریسلر اطہر زاہد نے چیئرمین سینٹ کو اپنے کیریئرز اور مستقبل کے منصوبوں کے بارے میں آگاہ کیا۔ انہوں نے بتایا کہ کس طرح پاکستانی ریسلرز محدود وسائل کے باوجود عالمی سطح پر ملک کا نام روشن کر رہے ہیں۔ انہوں نے حکومت سے مطالبہ کیا کہ ریسلنگ کے کھیل کو بھی دیگر کھیلوں کی طرح سرپرستی دی جائے تاکہ نئے کھلاڑی اس شعبے میں آگے بڑھ سکیں اور ملک کا وقار بلند کر سکیں۔ چیئرمین سینٹ نے اطہر زاہد کے مطالبات کو غور سے سنا اور انہیں اس بات کا یقین دلایا کہ ایوانِ بالا کی طرف سے کھیلوں اور کھلاڑیوں کی فلاح و بہبود کے لیے ہر ممکن تعاون فراہم کیا جائے گا۔ انہوں نے کہا کہ کھیلوں کا فروغ ملکی ترقی اور نوجوانوں کی مثبت سمت میں رہنمائی کے لیے انتہائی ضروری ہے۔ اس موقع پر دونوں شخصیات نے اس عزم کا اعادہ کیا کہ پاکستان میں ریسلنگ کے کھیل کو مزید مقبول بنانے کے لیے مشترکہ کوششیں جاری رکھی جائیں گی۔