اقوام متحدہ: پاکستان کا بھارت کے دہشت گردانہ عزائم پر کڑا تنقید

اقوام متحدہ کی جنرل اسمبلی کے 81 ویں سیشن کے جنرل مباحثے کے دوران پاکستان نے دوٹوک انداز میں عالمی برادری کو خبردار کیا ہے کہ بھارت کی دہشت گردی کی برآمدات اب علاقائی سطح سے نکل کر عالمی سطح پر اثر انداز ہو رہی ہیں۔ نیویارک میں اقوام متحدہ میں پاکستانی مشن کی کونسلر سائمہ سلیم نے اپنے خطاب میں واضح کیا کہ بھارت نے پروپیگنڈے کو ہنرمندی کے ساتھ ریاستی امور کا حصہ بنا لیا ہے اور خطے میں عدم استحکام پیدا کرنے کے لیے ہتھکنڈے استعمال کیے جا رہے ہیں۔ انہوں نے عالمی فورم پر اس بات کا اعادہ کیا کہ پاکستان خود دہشت گردی کا سب سے بڑا شکار رہا ہے اور ملک نے اس طویل جنگ میں اپنے تقریباً ایک لاکھ قیمتی جانوں کی قربانیاں دی ہیں۔ پاکستانی سفارت کار نے مقبوضہ جموں و کشمیر (IIOJK) کی صورتحال پر بھی روشنی ڈالی اور کشمیری عوام پر ہونے والے ریاستی مظالم کو فوری طور پر بند کرنے کا مطالبہ کیا۔ سائمہ سلیم کا کہنا تھا کہ جنوبی ایشیا میں پائیدار امن کا خواب اس وقت تک شرمندہ تعبیر نہیں ہو سکتا جب تک بھارت اپنی جارحانہ پالیسیوں اور دہشت گردی کی سرپرستی سے دستبردار نہیں ہوتا۔ انہوں نے عالمی برادری پر زور دیا کہ وہ بھارت کے مذموم عزائم کا نوٹس لے اور خطے میں امن کے قیام کے لیے اپنا کردار ادا کرے۔ پاکستان نے ایک بار پھر واضح کیا ہے کہ وہ اپنی خودمختاری اور سلامتی کے دفاع کے لیے مکمل طور پر تیار ہے اور ہر فورم پر جارحانہ عزائم کا منہ توڑ جواب دیتا رہے گا۔