ایس سی او قومی کواڈینیٹرز کا اجلاس اسلام آباد میں منعقد

شنگھائی تعاون تنظیم (ایس سی او) کے قومی کواڈینیٹرز کی کونسل کا اہم اجلاس دارالحکومت اسلام آباد میں باضابطہ طور پر شروع ہو گیا ہے۔ اس تین روزہ اجلاس کا انعقاد 28 ستمبر سے 30 ستمبر تک کیا جا رہا ہے، جس کی میزبانی پاکستان کر رہا ہے۔ یہ پہلا موقع ہے کہ پاکستان اس کونسل کے اجلاس کی صدارت کر رہا ہے اور اس سلسلے میں تمام تیاریوں کو حتمی شکل دی گئی ہے۔ اجلاس کے دوران پاکستان کی صدارت میں تنظیم کے تحت کی جانے والی مختلف سرگرمیوں اور آئندہ کے لائحہ عمل پر تفصیلی غور کیا جا رہا ہے۔ اس اجلاس میں شرکت کے لیے تمام ایس سی او رکن ممالک کے نمائندے اسلام آباد پہنچ چکے ہیں، جن میں بھارت کے نمائندے بھی شامل ہیں۔ اس اعلیٰ سطح کے اجلاس کے پیش نظر وفاقی دارالحکومت میں سیکیورٹی کے انتہائی سخت انتظامات کیے گئے ہیں تاکہ مہمانوں کی نقل و حرکت کو محفوظ بنایا جا سکے اور تمام اجلاس خوش اس اسلوبی سے اختتام پذیر ہوں۔ اجلاس کے دوران علاقائی تعاون، اقتصادی شراکت داری، سیکیورٹی امور اور ثقافتی روابط کے فروغ پر بھی خصوصی بات چیت کی جا رہی ہے۔ ماہرین کے نزدیک یہ اجلاس پاکستان کی سفارتی پوزیشن اور خطے میں اس کے فعال کردار کے حوالے سے انتہائی اہمیت کا حامل ہے۔ اجلاس کے اختتام پر اہم فیصلوں کی منظوری دیے جانے کا بھی امکان ہے جو تنظیم کے مستقبل کے ایجنڈے کا تعین کریں گے۔