کیف پر روسی حملہ: اکیڈمی آف سائنسز کی عمارت نشانہ بنی

روس اور یوکرین کے درمیان جاری تنازع میں ایک بار پھر شدت آ گئی ہے جب روسی افواج نے یوکرین کے دارالحکومت کیف پر شدید فضائی حملے کیے۔ حالیہ بمباری کے دوران یوکرین کی تاریخی اکیڈمی آف سائنسز کو براہ راست نشانہ بنایا گیا، جس کے نتیجے میں عمارت کے ایک بڑے حصے میں خوفناک آگ بھڑک اٹھی۔ سامنے آنے والی مناظر کی فوٹیج میں دیکھا جا سکتا ہے کہ عمارت کی کھڑکیوں سے لوگ جان بچانے کے لیے جھانک رہے ہیں جبکہ بلند و بالا شعلے تاریخی عمارت کو اپنی لپیٹ میں لے رہے ہیں۔ یہ حملہ ایسے وقت میں سامنے آیا ہے جب دونوں فریقوں کے درمیان کشیدگی عروج پر ہے اور شہری آبادی کے ساتھ ساتھ اہم سرکاری و تعلیمی املاک بھی اس جنگ کی زد میں آ رہی ہیں۔ واقعے کے فوراً بعد ریسکیو اور فائر فائٹنگ کے ادارے موقع پر پہنچ گئے اور آگ بجانے کی کوششیں شروع کر دی گئیں۔ حکام کی طرف سے تاح جانی نقصان کے بارے میں مکمل تفصیلات جاری نہیں کی گئی ہیں لیکن ابتدائی اطلاعات کے مطابق عمارت کو شدید مالی اور ساختی نقصان پہنچا ہے۔ اس حملے کے بعد کیف کے شہریوں میں شدید تشویش پائی جاتی ہے جبکہ یوکرینی حکام نے ایک بار پھر عالمی برادری سے فوری مداخلت اور فضائی دفاعی نظام کو مزید موثر بنانے کا مطالبہ کیا ہے۔ ماہرین کا کہنا ہے کہ اس طرح کی تاریخی املاک کو نشانہ بنانا جنگ کے قوانین کی سنگین خلاف ورزی ہے جس سے انسانی المیہ مزید گہرا ہوتا جا رہا ہے۔