پرنس ہیری شاہی تنازع، ڈیانا کے بھائی سے تعلقات پر دباؤ

برطانوی شاہی خاندان کے اندرونی معاملات ایک بار پھر خبروں کی زینت بن گئے ہیں جہاں پرنس ہیری کو شہزادی ڈیانا کے بھائی اور اپنے ماموں سے تعلقات منقطع کرنے کے لیے شدید دباؤ کا سامنا ہے۔ ذرائع کے مطابق شاہی خاندان کے قریبی حلقے اس بات سے سخت برہم ہیں کہ ہیری خاندانی رازوں کو منظر عام پر لانے والے افراد سے مسلسل رابطے میں ہیں۔ یہ صورتحال ایک ایسے وقت میں سامنے آئی ہے جب شاہی خاندان پہلے ہی اندرونی خلفشار اور تنازعات کی زد میں ہے۔ ماہرین کا کہنا ہے کہ اس تازہ ترین کشیدگی نے پرنس ولیم اور کنگ چارلس III کے غصے کو مزید بڑھا دیا ہے۔ دوسری جانب، میڈیا رپورٹس میں یہ بھی انکشاف کیا گیا ہے کہ پرنس ولیم اپنے بھائی پرنس ہیری سے ناراض ہیں اور وہ ان کے حالیہ اقدامات کو خاندانی روایات کے منافی اور ایک اور سنگین دھوکہ قرار دیتے ہیں۔ شاہی ذرائع کے مطابق پرنس ولیم اس وقت کسی بھی قسم کی صلح کے لیے تیار نہیں ہیں کیونکہ ان کا ماننا ہے کہ ہیری کے قریبی حلقے خاندان کے دردناک اور حساس ابواب کو بار بار میڈیا میں اچھال رہے ہیں۔ اس صورتحال نے شاہی خاندان کے چاہنے والوں کو بھی تشویش میں مبتلا کر دیا ہے جو طویل عرصے سے دونوں بھائیوں کے درمیان صلح کی امید لگائے بیٹھے تھے۔ شہزادی ڈیانا کے بھائی چارلس اسپینسر کی جانب سے حال ہی میں کیے جانے والے انکشافات اور دیے گئے بیانات نے شاہی محلات میں ہلچل مچا دی ہے۔ ماہرین کا ماننا ہے کہ چارلس اسپینسر کی جانب سے خاندان کے ماضی کے زخموں کو تازہ کرنے پر شاہی عہیدداران سخت ناخوش ہیں۔ اب دیکھنا یہ ہے کہ پرنس ہیری اس بڑھتے ہوئے دباؤ کے پیش نظر کیا لائحہ عمل اختیار کرتے ہیں اور آیا وہ اپنے خاندانی تعلقات کو بچانے کے لیے کوئی قدم اٹھاتے ہیں یا نہیں۔