شہزادی ڈیانا کے بھائی کا شاہ چارلس پر الزام اور نئے انکشافات

برطانوی شاہی خاندان میں ایک بار پھر ہلچل مچ گئی ہے کیونکہ پرنسس ڈیانا کے بھائی چارلس اسپینسر نے شاہ چارلس کے خلاف انتہائی سخت نوعیت کے بیانات دیے۔ اطلاعات کے مطابق اپنی کتاب کی اشاعت کے بعد چارلس اسپینسر نے دعویٰ کیا ہے کہ انہیں شاہی خاندان کی جانب سے جارحانہ رویے کا سامنا کرنا پڑا۔ اس تازہ ترین تنازعے نے محل کے اندرونی حلقوں میں ایک نئی بحث چھوٹی ہے اور شاہی خاندان کے ناقدین اور حامیوں دونوں کو تشویش میں مبتلا کر دیا ہے۔ رپورٹس کے مطابق اس پورے معاملے کے بعد شہزادہ ولیم اور شاہ چارلس شدید غصے میں ہیں کیونکہ اس خاندان کے کسی فرد کی جانب سے اس نوعیت کے الزامات سامنے آنے سے شاہی وقار کو نقصان پہنچنے کا خدشہ ظاہر کیا جا رہا ہے۔ ماہرین کا کہنا ہے کہ چارلس اسپینسر کے انکشافات نے ماضی کے ان زخموں کو تازہ کر دیا ہے جو طویل عرصے سے دبے ہوئے تھے، بالخصوص شہزادی ڈیانا کی یادگار اور ان کے خاندان کے ساتھ ہونے والے مبینہ سلوک کے حوالے سے۔ چارلس اسپینسر نے یہ بھی انکشاف کیا کہ اگر انہیں کبھی موقع ملے اور وہ آمنے سامنے ہوں تو وہ شاہ چارلس سے کون سی ایک اہم بات کہیں گے۔ اس بیان نے میڈیا میں ایک طوفان برپا کر دیا ہے اور عوام کی توجہ بھی اس تنازعے کی طرف مبذول ہو گئی ہے۔ شاہی خاندان کے قریبی ذرائع نے ان دعوؤں کو بے بنیاد اور نامناسب قرار دیا ہے، جب کہ دوسری جانب عام لوگ اور مبصرین اس شاہی ڈرامے کی ہر نئی پیش رفت پر گہری نظر رکھے ہوئے ہیں۔